انقل لكم اليوم على الهواء مباشرة
رحلة ولدي المريرة للعلاج و الذي غاب عن ناظري لمدة شهرين .. 
مقر العلاج الدمام مجمع الحياة بلازا ..
الأطباء مصريين .. 
ولدي الحبيب :
سيم سيم هذا مال انا ههههه .. 
بدأت المأساة من لما سقط مني الجهاز
و اخترب مكان وضع السيدي مدري شنو اسمه العلمي طيب
و بعد الطيحة صار ما يشتغل و لا يمديني احط سيدي و اشوف محتواه او شيء مثل هيك ..
طبعا الوضع يأزم يعني اني احب اشاهد افلام و انسخ سيديات وهكذا 
فضل فترة عطلان مرضآن عور بقلبي كل شوي يآن آي و أي و أووو .. << احلفي قال 
ومرة تشجعت و اعطيته اخوي يوديه .. .gif "SnipeR (100)")
بداية الامر قالوا سبوعين و بيجي طبعا استكثرتها واجد
وكتبت بيت من الشعر يقول 
ولدي الحبيب تعافى بسرعة وعد لي كا الجديد
ان كنت لا تعلم بعد البعيد عن البعيد فقس لوعة
بعد يدي عن كيبوردك الجميل
وانا احسب الايام يوم ورا يوم و اقول هانت خلص اسبوع
وبعدين جا الموعد و يروح اخوي عفوا الابتوب ما خلص
قلت احتسبي اجرا يا امراة و ان الله مع الصابرين
قلنا طيب
و اصبر سبوعين و نفس الشيء
عاد يا طويلين العمر ما اطول عليكم
كمل شهرين وهو عندهم وكل نقول اليوم
لين خلاص طفح الكيل عندي وقلت يا بنت
ترا الونش عطلان فعلا و السبارينق طافرة
و العين ما يجف دمعها ..
قمت لبست عباني اليوم
وقلت لأخوي همش بنروح نجيبه خلص ما خلص
مسكرين فاتحين بستناهم لين يفتحوا عساهم لو نص الليل
وان طلع لابتوبي باقوه او سوا فيه شيء صرفوه يعني
بشوفوا اللي ما يتمنوه .gif "SnipeR (3)")
اما تعويض يرضيني
او يروح محلهم ملح
<< أي أي اسويها
و اروح لهم فعلا اليوم
على الساعة 10 و ربع
الا يقولون حنا ما سمعناش بيه
كان ماخذه معتز مصري
وهو كان مو مداوم هذيك الحزة
طبعا انا مفوحه فوق الطبلون بالالاف
مهددة وموعدة اني ما اطلع من المكان الا بجهازي
ان شاء الله عمره ما تصلح بها الضمان العفن
و اقول لهم تراني استحملت بما فيه الكفاية
<< اني مسوية الهوايل كنت خخ اخوي يطلع فيني محمق خخخ 
اخذوا رقم اخوي و قالوا بيتصلوا الساعة 5
قلت لهم بلا خمس بلا عشر اقول لكم معطلة شغلي شهرين
يعني ما ني طالعة الا به وهم يهدؤا فيني
لين طلعوه من مادري وين وهو يقولوا بالصيانة بالصيانة
لا طلع بالصيانة ولا شيء خراط مفتق
و ما تصلح اصلا
وشهرين مفلوت بس كذا
ومعتز هذا انا اتصل فيه
و مايرد ودائما مشغول خطه
يعني الوضع كان متوتر فعلا
اخذت الابتوب
وقلت لهم ها الاستهتار هذا ويا العملاء
يطلع عليكم رادي اما التزام بوعودكم
او سكروا المحل و ولوا من وين ما جيتو
<< المقطع الاخيري مرة ما قلته
نصيحتي
احيانا الضمان يطلع مو اوكي
يعني مو دائم راح تشوف اللي يرضيك
من ها الضمان فلهذا اذا حسيت بشي تأخير خذ جهازك
و وده لأقرب مكان صيانة على حسابك اأمن و افضل بواجد ..
و لو ودوه الصين وجابوه ما اخذ حتى سبوعين
بس حسبي الله على الظالم
ويش رايكم
في موقفي اللي صار ؟
هل هو صح ام خطأ ؟
ما رايكم في استهتار عمال خدمة العملاء؟
اني تبت اروح محل قيه مصريين
ونكابييين و كذابييين و متهربين
و الان بوديه يتصلح على حسابي
وبلا ضمانات و بلا حرومية علي
وهذا وصلى اللهم و بارك
على رسول الله واله الاطهار
شجووون
ولدي يشكي رحلة سفره المؤلمة ( من انتاج شجووون) 
