اضحك وضحكنا معاك^_^

[حلى الشرقيه]

بسم الله الرحمن الرحيم
السلام عليكم ورحمة الله وبركاته


يمكن ما فهمتو وش المطلوب من هالحوسه كلها انا راح اشرح لكم
كل منا صارت له مواقف مضحه فـ وش رايكم كل حد يدخل يكتب موقف مضحك صار له ويضحك ع اللي قبله وبكذا
(يضحك ويضحكنا معاه^_^)

انا راح ابدأ


في شخص من كثر ما صارت لي مواقف محرجه معاه اتوقع انه حفضني مو بس حفضني لو رسام رسمني وهو زوج اختي اخليكم مع المواقف

الموقف الأول
ليلة عقد اختي
طول الوقت واني اصور وطالعه فيها صحفيه
وبعدين زوج اختي يسأل عن الصور طلعت حضرتي مو مشغله الكاميرا
وااااااااااااااااااا فشلتاه
_____________________
الموقف الثاني
اول ما انخطبت اختي كنت صغيره واخويي متشدد مررررررره اصر عليي اني اتغطى من زوج اختي المهم
داك اليوم انا كنت جاله من النوم وادري ان خطيب اختي تحت وشفت نعال اخويي<<افففف يعني لازم اتغطى
المهم تغطيت ونزلت واني متغطيه وامشي واصدم والحاله حاله<<اور القلب صح
شفت واحد جالس رحت رميت نفسي في حضنه ولزقت خدي في خده انا اضحك وهو بعد يضحك واختي تطلع مستغربه
المهم انا انتبهت ان يده سمراء وشرت
وااااااااااااااااااااااااااااااااا فشلتاه
طلع هو يفكرني اخويي لابس عبايتي وانا افكره اخويي
دخلت المطبخ واخوتي ناقعين ضحك عليي وانا اصييييييييح
من الفشله نمت 23ساعه
_____________________
الموقف الثالث
كنت نايمه وقالو ليي قومي عشان فلان بيدخل
المهم طلعت لا عبايه ولا شي وعاد الشعر مكشوش والوجه منتفخ من النوم
بعدين جلسنا نسولف اللي يسألوني كيف مريتي بدون عبايه وفلان موجود؟؟
واااااااااااااااااااااااااا فشلتاه من جد انحرجت

ان شاء الله عجبتكم المواقف واستنى قصصكم ومواقفكم
سلااااااااام

 

[لبيك نصر الله]

رد: اضحك وضحكنا معاك^_^

هههههههههههههههههههههه
لا تذكريني بذاك الموقف ليومكم ما انساه
ع فكرة انا اخوها اللي افتكر زوج اختي ان انا اللي لابس عبايتها

المهم انا اكتب راح موقف صار لي..

انا طالع فيها ماوكلي حق البيت كل يوم اقطع لهم لوز
طبعا احنا عندنا حراميه محترمين جدا يستأذنون قبل ما يسرقون
مره نطو من الجدار وقطعو لهم لوز كثيييييير
ركبت ابي اقطع لوز للأهل طبعا انا اركب زي ماوكلي بسرعه عندي هوايه خخخ
شفتهم ممليين بلايزهم وجيوبهم واكياس اخذت ثلاث اربعاع اللوز وقلت توكلو ع الله
دخلت البيت مبتسم واخواني يسألوني كيف قطعت بهالسرعه وانا فرحان طالع فيها بطل خخخخخ

مشكوره اختي حلى الشرقيه من جد ضحكتيني اللي يقرأ غير اللي يشوف بعينه وانا شفت المواقف اللي ذكرتهم بعيني وقرأتهم وكانت كـ تذكره بالنسبه لي
شـكــ وبارك الله فيك ـــرا لك ... لك مني أجمل تحية .

 

[حلى الشرقيه]

رد: اضحك وضحكنا معاك^_^

ههههههههههههههههههه
يسلموو حمود ع السالفه بس من جد حرامية بيتنا غير شكل

انا راح اقول لكم قصه<<ما تتوب هالبنت داخله علينا عرض خخخخخخ
تحملوني شوي , يلا ابدء

الله يسلمكم مره كانو خالاتي مسافرين المدينه والمشوار متعب ووحدة من خلاتي ما تتحمل الباص وتعبه
وطول المشوار وهي تستفرغ<<تكرمون>> وتعبانه وصخونه وداير راسها لين ماطفح الكيل عندهم قالوو خلي السواق يوقف
قالت مره كبيره في السن شوي( لالالالا, لا يوقف عندي دواء)
شربت خالتي الدواء بعد ماخلصت قالت المره ببراءه (صار له خمس سنين عندي)
عاد خالتي لاعت كبدها وزاد حالها قالو وقفو الباص ردت قالت المره(لالالا عندي دواء)
قالت خالتي بتعب(اسألوها صار له كم سنه عندها؟؟)خخخخخخخخخ


ان شاء الله ماثقلت عليكم وعجبتكم القصه اتمنى تفاعلكم اشوفكم ع خير
سلااااااااام

 

[منتظرة المهدي (عج)]

رد: اضحك وضحكنا معاك^_^

ههههههههههههههههههههههه يسلمووووووو حلى الشرقية على المواقف المضحكة

بقول موقف مضحك بالامس بس صارت

وحنا طالعين ومتونسين بالجمعه الحلوة على البحر

تحدتني اختي ملكة بكبريائي اركب الزحليطة وبالفعل قبلت التحدي وركبت

واني طايرة من الوناسة لأني وصلت بالسلامة

واني اتزحلط طحت وانشبيت على وجهي هههههههههه

لكن الحمد لله ما كان في ناس واجد ولا كان وين اودي وجهي

وللحين تسخر عليي لكن اوريها

 

[رجل الجبال]

رد: اضحك وضحكنا معاك^_^

ههههههههههههههههه تسلمي اختي منظرة المهدي اهم شيء ان ما احد صورك بلوتوث خخخخخخخخخ
تسلمي اختي العزيزة حلى الشرقية على المواقف المضحكه
مرة وانا مسافر الى سوريا وكان سواق الباص خالي وكنت مع امي واخواني وخواتي وخالاتي ، توقف الباص في احدى الاستراحات بالاردن فنزلت لي اشتري سندويشه ، واذا باص قد مشى عني وخالي يسأل اخوه كاملين قال ايه ابن اختك موجود قال مع امه بالخلف وامي تسأل اخوتي هل اخوكم موجود قالوا له قدام مع خاله ، وانا مفلوت في الشارع الحق الباص بس ما احد ينتبه الي ، واشوه ان في باص ثاني واقف وكربت معه وكان يمشي خلف باص خالي ويكبس له بالانوار حتى يتوقف الا انه لم يعطس في الباص الي خلفه وما مسكناهم الا عند نهاية الاردن وسألهم اين كنت انا والكل يقول ويتهم الثاني .

 

[ام حسن]

رد: اضحك وضحكنا معاك^_^

هههههههههههههههه

قصصكم روعه ومضحكه


شوفو قصتي

كنت بخامس ابتدائي وكنا معزومين بيت خالتنا اني واخواني واختي

كان بيتهم من البناء القديم وفيه بركه صغيره عند الباب

عملت خالتي الغذاء وقامت شخلت الرز وين؟يعني تصفيه عن الماي

بالبركه الصغيره لانه مطبخهم صغير مره

اذن الظهر جيت بتو ظأ حتى اصلي الظهر حطيت رجلي حتى اغسلها الا ورجلي داخل ماء الرز وما صار لخالتي ثواني من شخلته

واحترقت رجلي والكل قام يضحك مفكر شايفه فار او حشره راكبه علي

يوم تأكدو من شو اصيح قلو لي:


معقوله ما شفتيها؟

لو شقتها باحط رجولي فيها لكن الله كاتب

وطبعا ما احب المستشفيات واصرت الوالده الا تروح معاي المستوصف وكنت ما اقدر امشي من رجولي

جت الممرضه تفحص شفت الادوات خليتها بس تبتعد اشوي اجيب باقي الاغراض

كان وينك يا لطريق هذا وانا اعرج بعد وامي وراييي مسكينه لين وصلت البيت وكان مسافه

واليوم الثاني رحنا ا لوحده الصحيه حتى نجيب ورقه للمدرسه اهنيه صراحه ما قدرت انحاش


انتظرو قصتي الثانيه

 

[حلى الشرقيه]

رد: اضحك وضحكنا معاك^_^

هههههههههههههههههههههههه
ام حسن,رجل الجبال,منتضرة المهدي (عج)
يسلمووووووووو اشكر توصلكم الحلو والقصص الحلوة
بس مو قصه وحدة وبس<<طماعه هالبنت تقاشرنا ع عمرنا فيها خخخخ

اقول لكم بعد قصه لو مايحتاج؟؟؟؟؟
انتضر قصصكم سلااااااام

 

[ام حسن]

رد: اضحك وضحكنا معاك^_^

السلام عليكم ورحمة الله وبركاته


كيفكم واخباركم


القصه الثانيه

كانت عندنا كاميرة تصويير دجيتل بها فيديو

قلت خلني اصور اولاد اختي اشوي طلعت معاهم بره بالمشاي وجلستهم على الدرجه

وشغلت الفيديو وجلست اصورهم وطبعاً كانت وراي حفره كبيره وغزيره ومربعه حواليها طابوق وفيها الدينما حقت الماي

وصرت بين اشوي ارجع على وراء

ولا شفت روحي الا طراااااااخ داخل الحفره والكاميرا طراخ بالماي والرمل زين ما ختربت

واني يمكن يومين والم بجسمي زين ما نكسر مني شي خخخخخ

والحمد لله على سلامتي ههههههه


تحيااتي

 

[حلى الشرقيه]

رد: اضحك وضحكنا معاك^_^

ههههههههههههههههههههههههههههههههه

الحمد لله ع سلامتك أم حسوون <<عقب ماضحت وشبعت

يعطيك العافيه غناتي ع القصه

دمت بود

 

[منتظرة المهدي (عج)]

رد: اضحك وضحكنا معاك^_^

هههههههه في وحده اسمها ملكة بكبريائي في يوم من الايام تشمتت فيني وضحكت لين ما قالت بس والله وجبتها فيك وجى اليوم اللي ضحكت عليش من قلب نييييهاااااااهااااهاااي وحنا في حفلة خطوبة (.......) كنا على الكوشة وحنا نازلين من الدرج طاحت ملكة بكبريائي قدام كل الناس هههه كان شكلها لحاله يضحك وهي طايحه هههههههه بس تحمد ربها لما مسكتها بعدين كان تكسرت تكسير وصارت اضحوكة لناس ها ملكة شو رايش ما فضحناش هههههههه