السلام عليكم
الاخت الندى ما قصرت و طرحت لكم موضوع فيه شرح للادوات بالفوتوشوب و منها ادوات القص و مهام كل كل اداة منها في هذا الموضوع http://vb.ashoorco.com/vb/t17014.html . أدوات القص مهمه و تقريبا أغلب التصاميم لازم راح تحتاج للقص فيها وبالاخص التصاميم لدمج الصور و التلاعب و غيرها.
ادوات القص مو شرط تستخدمها على وظيفتها, يعني انت الان تعرف ايش وظيفة كل اداة و لكن مو شرط تتقيد فيها و انا اقولكم السبب ايش, هو ان كل صورة لازم تتعامل معها باسلوب مختلف, في صور يحتاج انك تستخدم اداة القص lasso العاديه و اللي تمشي مع الماوس و السبب فيها هو مثلا تقارب الالوان او كثرة التعرجات او غيرها .. و في صور تستخدم فيها Polygonal lasso وهي اللي تكون فيها زوايا كثره و خطوط مستقيمه , و بعضها يحتاج الى magnatic lasso و هذي الاداه انا استخدمها كثير بسبب سهولتها بالتعامل مع الكائنات ولكن فقط اذا كان في اختلاف باللون . طبعا بعض التصاميم يحتاج انك تستخدم كل الادوات فيها , حتى المساحه و المساحه انا ايضا استخدمها كثير عشان يكون قصي دقيق بحيث اكبر الصورة الى اكبر مقدار اقدر عليه و امسح المكان اللي ما ابيه.
طبعا دقة القص ضرورية, بعض القص مش ضروري يكون دقيق 100% في حالة ان هذا الكائن اللي تريد تقصه راح مثلا يكون شفاف شوي او راح تعمل فيه حركه بحيث انه ما بيكون واضح 100% او اذا بتحط effect معين ماراح يظهر الخطأ بالقص. و بعض الاحيان يتطلب الامر دقة عاليه في القطع وهنا لازم تهئ نفسك انك تجلس فترة كافيه بالقص و المسح, يعني لا تستعجل عشان العمل يكون 100% .
الان اقدم لكم تمرين بسيط للجميع و للي حاب يجرب مهاراته بالقطع او يمرن يده شوي 🙂 , اللي حاب منكم يشتغل على التمرين ينزل الصوره و يشتغل عليها مو ضروري توروني التطبيقات ولكن اللي يبغى حياه الله 🙂 .
الصورة الرئيسية
الان اول شي نفتح الصورة بالفوتوشوب و نحولها الى layer (طبقة) و هذا يكون بالضغط مرتين في قائمة الطبقات , راح تشوفو ان الصوره موجوده و جنبها مكتوب background و جنبها قفل, بس اضغطوا مرتين بالماوس و راح تتحول الى طبقة. طبعا اذا ما سويت هذا الشي ماراح يكون شغلك اوكي 🙂 .
بعد ما نعمل هالشي نروح لقائمة القص lasso مثل ما تشوفو بالصورة و نختار اداة القطع magnatic lasso .
بعد كذا نروح للصورة و نحدد اللمبة اخر شي منها, بس نضغط ضغطه وحده بالماوس و بعدين نحرك الماوس على شكل اللمبه , حاول انك ما تبتعد كثير عن اللون الابيض و راح يمشي معاك خط القطع. لمن توصلو للاسفل من اللمبه احتمال كبير يخرج خط القطع وهذا بسبب تقارب اللون و لكن ما عليكم حركوا الماوس شوي شوي على الجزء الاسفل و انت تحركها اضغط نقره وحده عشان تثبت الخط بس و تحرك شوي و نقره ثانيه لين ترجع تركب الى اللون الابيض بعدها حرك الماوس بشكل طبيعي (مو شريع كثير و خلك قريب من اللون الابيض) لين توصل الى نقطه البدايه و هي نفسها راح تكون نقطه النهايه. و راح يكون بهالشكل هذا
الان احنا مو حددنا اللمبه ؟ و لكن احنا نريد نشيل الخلفيه عنها صح ؟ طيب هنا الزبده .
خل الماوس على اللمبه و اضغط بزر الماوس اليسار و ااختار select inverse مثل ما هو موضح بالصورة اللي تحت و بكذا بتشوف ان التحديد صار على الخلفية و اللمبه راح منها التحديد .
الان بكل بساطه في الكيبورد اضغط على DEL او Delete و راح تختفي الخلفية و تبقى عندك صورة اللمبه شفافه تقدر تستخدمها باي تصميم تبغاه 🙂 .
اللي عنده استفسار او سؤال يتفضل.
الاخت الندى ما قصرت و طرحت لكم موضوع فيه شرح للادوات بالفوتوشوب و منها ادوات القص و مهام كل كل اداة منها في هذا الموضوع http://vb.ashoorco.com/vb/t17014.html . أدوات القص مهمه و تقريبا أغلب التصاميم لازم راح تحتاج للقص فيها وبالاخص التصاميم لدمج الصور و التلاعب و غيرها.
ادوات القص مو شرط تستخدمها على وظيفتها, يعني انت الان تعرف ايش وظيفة كل اداة و لكن مو شرط تتقيد فيها و انا اقولكم السبب ايش, هو ان كل صورة لازم تتعامل معها باسلوب مختلف, في صور يحتاج انك تستخدم اداة القص lasso العاديه و اللي تمشي مع الماوس و السبب فيها هو مثلا تقارب الالوان او كثرة التعرجات او غيرها .. و في صور تستخدم فيها Polygonal lasso وهي اللي تكون فيها زوايا كثره و خطوط مستقيمه , و بعضها يحتاج الى magnatic lasso و هذي الاداه انا استخدمها كثير بسبب سهولتها بالتعامل مع الكائنات ولكن فقط اذا كان في اختلاف باللون . طبعا بعض التصاميم يحتاج انك تستخدم كل الادوات فيها , حتى المساحه و المساحه انا ايضا استخدمها كثير عشان يكون قصي دقيق بحيث اكبر الصورة الى اكبر مقدار اقدر عليه و امسح المكان اللي ما ابيه.
طبعا دقة القص ضرورية, بعض القص مش ضروري يكون دقيق 100% في حالة ان هذا الكائن اللي تريد تقصه راح مثلا يكون شفاف شوي او راح تعمل فيه حركه بحيث انه ما بيكون واضح 100% او اذا بتحط effect معين ماراح يظهر الخطأ بالقص. و بعض الاحيان يتطلب الامر دقة عاليه في القطع وهنا لازم تهئ نفسك انك تجلس فترة كافيه بالقص و المسح, يعني لا تستعجل عشان العمل يكون 100% .
الان اقدم لكم تمرين بسيط للجميع و للي حاب يجرب مهاراته بالقطع او يمرن يده شوي 🙂 , اللي حاب منكم يشتغل على التمرين ينزل الصوره و يشتغل عليها مو ضروري توروني التطبيقات ولكن اللي يبغى حياه الله 🙂 .
الصورة الرئيسية
الان اول شي نفتح الصورة بالفوتوشوب و نحولها الى layer (طبقة) و هذا يكون بالضغط مرتين في قائمة الطبقات , راح تشوفو ان الصوره موجوده و جنبها مكتوب background و جنبها قفل, بس اضغطوا مرتين بالماوس و راح تتحول الى طبقة. طبعا اذا ما سويت هذا الشي ماراح يكون شغلك اوكي 🙂 .
بعد ما نعمل هالشي نروح لقائمة القص lasso مثل ما تشوفو بالصورة و نختار اداة القطع magnatic lasso .
بعد كذا نروح للصورة و نحدد اللمبة اخر شي منها, بس نضغط ضغطه وحده بالماوس و بعدين نحرك الماوس على شكل اللمبه , حاول انك ما تبتعد كثير عن اللون الابيض و راح يمشي معاك خط القطع. لمن توصلو للاسفل من اللمبه احتمال كبير يخرج خط القطع وهذا بسبب تقارب اللون و لكن ما عليكم حركوا الماوس شوي شوي على الجزء الاسفل و انت تحركها اضغط نقره وحده عشان تثبت الخط بس و تحرك شوي و نقره ثانيه لين ترجع تركب الى اللون الابيض بعدها حرك الماوس بشكل طبيعي (مو شريع كثير و خلك قريب من اللون الابيض) لين توصل الى نقطه البدايه و هي نفسها راح تكون نقطه النهايه. و راح يكون بهالشكل هذا
الان احنا مو حددنا اللمبه ؟ و لكن احنا نريد نشيل الخلفيه عنها صح ؟ طيب هنا الزبده .
خل الماوس على اللمبه و اضغط بزر الماوس اليسار و ااختار select inverse مثل ما هو موضح بالصورة اللي تحت و بكذا بتشوف ان التحديد صار على الخلفية و اللمبه راح منها التحديد .
الان بكل بساطه في الكيبورد اضغط على DEL او Delete و راح تختفي الخلفية و تبقى عندك صورة اللمبه شفافه تقدر تستخدمها باي تصميم تبغاه 🙂 .
اللي عنده استفسار او سؤال يتفضل.
