كثير منا تملله ذبانه وبشكل يومي ع الغدا ع العشا وانتم نايمين وانتم صاحين حتى وانتم تفرشو اسنانكم او على الكمبيوتر مثل شجنوه لازقة فيها ، والكثيرمنكم يبي يعرف من وين لها هالذبانة الوقت عشان تفضا لنا وتلزق فينا ومن هذا المنطلق راح اعرفكم على يوميات الذبانة عشان تعرفو متى وقت راحتها واجازتها وتحاولو تعودو نفسكم عل مواعيدها ومن ه الذباب الكثير وخصوصا في الصيف شلة صياعة تطلع تعالو نشوف وش هي يومياتها .
الفجر :
اول ما يأذن الفجر تطلع الذبانة من عقر دارها وهي تسمي وتسبح وتسوي شوية تمارين سويدية لزوم الرشاقة بعد كذا تخطط وش تسوي في هذا اليوم وتجهز وطبعا هذا يكون مع اتفاق من الشلة اللي معاها وتخطيط مسبق.
اول ما يطلع الصبح :
يوزعون الادوار وكل وحدة منهم تروح بطريج . يتريقووون من اكل سهرة البارحة ويغسلوون ايدينهم ( نظاااف ) عشان يبتدي كل واحد مهمته .
الضحى :
يطرشون الشلة اصغر واحد فيهم للاستطلاااع يشوووف اذا قمتوا ولا لاااااء .
مع صلاة الظهر :
جد كل واحد فيكم قااام الا انت يدشووون عليك الحجرة ويدووورون على راسك ( هم نيتهم يقيمونك للصلاة ) ليــن ما غصبن عنكم تقومو ويلاحقونكم لحد ما تطلعو ( يطمنون انكم قمتو ) .
فترة الغدا :
وما ادراك ما فترة الغذا !!بس عاااد هذي حزتهم تطري عليهم اغنية شعبااان عبد الرحيم ويتولعون ويقومون يرقصووون عليها مع الاغنية يبدا الملاحق يلعبووون صياد حرامي وانت تكشهم يمين واخوك او اختك تردهم عليك ( تلعبون تنس )واختك التأفف ويحل المشكلة الوالد يجيب نعاااااااال ويراكض وراهم نعاال في يده اليمين وبف باف فيده الشمال للي ما يسمع الحجي >> ما يخلوون الواحد يتهنا في لقمته . ويستمر الملاحق بين الوالد والذبان والذبان يشردون ويلاحقهم ابوك ويشردون ويلاحقهم ابوك وتقوم ذبانة زقرتية تلاحق اخوكم الصغير يبطل حلجه الا الذبانة داشه ( الله ) تخيلو انتم في الوضع هذ وهواش وصراااخ البيت محد داري عن الثاني ..
يود ابوك ذبانة رضيعة توها ما تعودت اول طلعه لها مع الاهل ( الشلة الصايعة ) ويذبحها ويفعصها بيدينه لين ما ماتت .
عظم الله اجوركم
واسكنها فسيح جناته
العصر :
هااا قلت العصر فترة العصر يمرون اعضاء الشلة ويكتشفووون ان واحد ناقص وامه تبكي : يما ياوليدي عذبوك اللي ما يخافون ربهم , ما تهنيت بشبابك . المهم ويطلعووون على شكل مجموعات يدورون ع الصغير .
المغرب :
بعد ما عثروا على جثته تحت الانقاض وعلامات التعذيب مبينة عليه يبدؤوون تحضير مراسم العزا و الدفن .
في الليل :
يكملووون مراسم الدفن و تقبل التعازي لمدة 3 ساعات وبعدها تبدا التحقيقات في اسباب الاغتيال ومن هو الطرف الرئيسي في هذه الجريمة البشعة ويستسلموووووووووون للنوم
ويناموووووووووووووووووووووووووووووووووووووووون .
خخخخخخخخخخخخخخخ
النتهت القصة
وتقبلو وافر التحية والتقدير
D . M . X