ام فاطمه
شعــ V I P ــاع
بسم الله الرحمن الرحيم ياكثر مانشوف المواضيع المنقوله للمنتدى .. والصراحه هاذا شيى والله يضيق الصدر
بس أن شاء الله انا رااح اعطيكم الطريقه المثاليه علشان كل واحد فينا .. يقدر يكتب موضوع من راسه
قبل كل شيى .. مو تقول اخاف موضوعي سخيف او بثر ويضحكون علي الاعضاء ويجيني حط وتهزيئ منهم ..
لا والله
صدقني راح يستانسون حدهم عليك وعلى الموضوع الي كاتبه وراح يتسدحون من الضحك عليك وعلى اسلوبك الحلو .. انا راح اعطيك اكبر مثال
انت اللحين لو كنت جالس مع نفسك .. طفشان حيل .. بتقول ياولد خلني اسجل صوتي .. وفعلاً تقوم بتسجيل صوتك .. واول ماتسمعه تقول ( وخيه ) شنو هاذا .. شنو هاذا البربري ( هاذا نوع من انواع الغنم ) لاكن خل واحد من ربعك او واحد من اخوانك يسمع الي سجلته
تلاقيه يسيح من الصوت الي سمعه ( ويلي ويلاه ) وينعجب فيه بشكل كبير .. لدرجة انه يخزنه بتلفونه
أنا راح اعطيكم كم طريقة .. أن شاء الله تقدرون منها إنكم تكتبون مواضيع من روسكم
*******************************
؛؛ الطريقــة الاولــى ؛؛
انك تصيغ الفكره من راسك .. وتعيش اجواء القصه وتحاول تصيغه وتكتبه بأسلوب غير
وهذي صعبه عند بعض الأعضاء .. لأنه تحتاج لخيال واسع ومخ سنمائي
لاكن الطريقه الثانيه اسهل وبتقدر تكتب موضوع اذا اتبعته ان شاء الله
*******************************
؛؛ الطريقــة الثانــية ؛؛
أنك تروح منتدى ثاني .. وتشوف موضوع عجبك .. مو تسوي كوبي وبست وسيده تنزله هنا .. لا اقراه وخذ الفكره منه .. واكتب الموضوع بأسلوبك
وبهاذا الطريقه تكون انت كتبت موضوع باسلوبك .. لاكنها الفكره من غيررك
وصدقوني .. مع الايام راح تكتبون موضوع الفكره والاسلوب راح تكون من راسك انت
*******************************
؛؛ الطريقــة الثالــثه ؛؛
انك تحاول قد ماتقدر تكتب الموضوع باللغه العربيه الفصحى
علشان الاعضاء يفهمون وش الي انت كاتبه .. ولا يستصعب عليهم شيى
لان الكتابه بالعاميه .. يفقد الموضوع رونقه
وإن شاء الله تستفيدون من هاذا الطرق .. وتتحفونا بمواضيعكم الجميله
مع تمناتي للجميع بالتوفيق والى منتديات شعاع القطيف برقي
