يالردت بالشده مراد

[رحيم الحسناوي]

يالردت بالشده مراد ... هل دمعتك للسجاد
واحجي شما بيك من هموم ... هذه العليل المضلوم
هل دمعتك للسجاد ... هل دمعتك للسجاد
ــــــــــــــــــــــــــــــــــــــــــــــــــ ــــــــــــــــــــ
هذه النذر للدين روحه عمره .. وحتى الصبر مل وعجز من صبره

هذه الحضر منحر عزيز الزهره .. وشمتت الكوم بنزف دمه واسره

يبن الطهر قلبي بمصابك جمره .. ابجي واون وانحب وازيد العبره

وبفكدته الحزن عاد .. هل دمعتك للسجاد

جر السلاسل والسبي والايام .. ودم ركبتك من كربلا لحد الشام

ورماح شالت راس ابوك الضرغام .. وزينب وحيده تشوف ضيم وتنضام

وفايه الك ننعاك من عام لعام .. وننعى الجفيل الكطعت جسمه سهام

وبروحه حسين من جاد .. هل دمعتك للسجاد

يالعطرت درب الولايه بجودك .. وهزيت عرش الطاغيه بسجودك

زين العباد انته وفخر مضمونك .. وانته الامام الساجد لمعبودك

للموت حزني وشوكي دم لورودك .. انعاك واندب وانتضر موعودك

بجه الحزن حزني وزاد .. هل دمعتك للسجاد

يايمه ماضنيت للشام نروح .. وحسين يبقى على الترايب مطروح

انشد من على النزف جفينه سفوح .. ضل عالشريعه تخالفت بيه جروح

يمه العتب وياج بالحك مسموح .. ترضين راس حسين عالرمضه يلوح

وبحبال انجر وانكاد .. هل دمعتك للسجاد

ياوسفه كافل ضعني مني تعذر .. ومصاب عينه بنار قلبي تمرمر

ابن البطل كرار يمه تبتر .. بين النهر والكوم ضل محير

لارايه اشوف ولا نصيرالينغر .. وحسين راسه على الوطيه مطبر

بلواي بيهم تنعاد .. هل دمعتك للسجاد .رحيم الحسناوي

 

[SH3A3-Q]

رد: يالردت بالشده مراد

احسنتم مولاي و جعله الله في موازين اعمالكم

اللهم اللعن اول ظالم ظلم محمد وال محمد

 

[wajd]

رد: يالردت بالشده مراد

سلمت يمناك في ميزان حسناتك ان شاء الله

 

[زهرة حياتي]

رد: يالردت بالشده مراد

اشكرك على هذه الكلمااات النااابضه من قلب حسيني
كلمااات في غاية الروووعة
تشكر على هيك كلمااات
بااارك الله فيك

 

[رحيم الحسناوي]

رد: يالردت بالشده مراد

حفضكم الله وحماكم

 

[العين الدامعه]

رد: يالردت بالشده مراد

سلمت كلمات جميلة ومعبرة