سر حبي الوجودي
شعــ V I P ــاع
وشحوالكم أن شاء الله زينين
و مستانسين
كل عام وأنتم بألف خير
أي ويش بقه على الشهر يومين و يمكن يوم عفر مو اليه
و اللحين النسوان تركوا العزية وكل ملبقين و منوخين في البقالات الكبيرة
ويش اسموها السوبر عفر
يؤؤؤؤؤؤؤؤؤؤؤؤ صمايل اسمها كانتين الله يرحمها
اللول كل هناك نشتري اكل زين و عدل
مو اللحين كل غالي يا دافع البلاء و كافي الشر
أي وين الول أي راحوا أهل الول الطيبين و الزينين
اي هذه بنت الأجاود علمتني اسوي فكاير يؤ صمايل فطائر
اللحين بعلمكم شيفه تسوها
المكادير:
- 500جرام طحين أبو نمرة و أن كان ما شفتي ولا تعرفيه حطي الطحين اللي عندش ما خالف كل واحد يا غناتي
- 80مل زيت
- 1.خاشوقه شبيرة.BB
- 1.خاشوقة شبيرة.سكر
- 1.خاشوقه شبيرة.ملح
- عندش من 280-300مل ماي فاتر
- 50مل زيت حق نخطي وجه العجينه عن الرجال ما عدنا عجينات يتكشفوا على غرب عيييييييييب
شيفه نسويها و نعجنها و نخبزها
شيفه نسويها:
- شوفي غناتي أول حاجه تجيبي المنخل و تنخلي الطحين و الملح و السكرزين حطي بالش عدل ترى ما بعيد أتعلمي زين
- جيب الزيت و كتيه على الطحين و خلطي زين
- شوفي يا بنتي جيبي الخميرة و دوبيها في نصف كوب ماي
- وعجني و كتي الخميرة و عجني وإذا شفتي أنها تحتاج ماي حطي لين تصير عندش عجينة حليوه
- كفري من العجان يعني خمسةتعشر دكيكة
- جيب الماعون اللي بتحطي فيه العجينة و أمسحيه بالزيت و خلي منه أرمي العجينة في الماعون و كتي عليها الزيت
- و خليها تتخمر و بعدين حشيها بالحشوة اللي تمبيها
شوفوا اللحين بحط ليكم الصور
أهني دشيتها الفرن
والصورة الفانية بعد ما طلعتها من الفرن
اي كلت لازم ارويكم الحشوة لحم و جبن
شوفوها من داخل شيفه صايرة بيضه و خفيفة و دوب دوبان في البوز
وهني وهي منسدحة في الصينية
هني و عوافي على كلوبكم
توضيحات
500جرام =4أقلاصات
50مل=نصف قلاص
غناتي أنتون ادا عندكم اي أسئله لا تستحوا
ترى أني منكم و فيكم وحنا جيران و أهل و خوات و اخوان
و ياريت يكون عرض حليو و يعجبكم
:mwalat30:
أمنتكم بالله وعين الله و آية الله و محروسين من الأباليس و الشياطين
معودين بالآله
مع السلامة
ديار معمورة و سفرة دايمه وغناكم الله
عايدين لايدين عليه
:mwalat19:
اتمنى أنكم تجربون العجينة و تحكموا عليها بنفسكم
و نزلتها علشان تنبسطوا فيها في الشهر الفضيل
تحياتي العلوية
سر حبي الوجودي
