السلام عليكم
يجب قراءة قوانين الدوره
http://vb.ashoorco.com/vb/t15190.html
أتمنى تعذروني أولاً لاني سئ جداً بايصال المعلومة أو الشروحات, و يا ليت تطولوا بالكم علي شوي.
موضوعي متقين أن الأغلبية ماراح يقرأه كله و البعض حتى ما راح يهتم له, و هذا شي طبيعي و متوقع, هو عبارة عن رسالة للمهتمين بتطوير تصاميمهم و حبهم للتصميم, هو عباره عن نصائح و ركائز لهم للمستقبل, فأتمنى لو شخص واحد منكم يهتم للتصميم فهذا الموضوع راح يهمه أكيد و هذا الهدف منه و من طرحي للموضوع انه يصل ولو لشخص واحد و يفيده, عشان اشوفه مستقبلا مصمم موهوب له حس فني و مشهور.
الفوتوشوب كبرنامج:
مثلما طرحت الاخت الندى (الله يعطيها العافيه) موضوع مقدمة للفوتوشوب و اظهرت لكم بعض من خصائصه و مميزاته أضيف أنا انه عباره عن برنامج كأي برنامج آخر له ادوات معينة كثيره و طويله و البعض منها معقد و صعب الفهم في البدايه و لكن مع الممارسة عليه و مع التشجيع الذاتي للتعود عليه راح تتمكن من التعامل مع بعض الادوات بسهوله كثيره و مع التواصل عليه باذن الله راح تتمكن من ادواته كاملة , و هذا حال أي برنامج جديد ممكن تستخدمه, مثلا أول ما استخدمنا برنامج المحادصه الماسنجر كان لسه شوي صعب و ما نعرف ايش الخصائص اللي فيه و الان مع مرور الوقت عرفناه و صرنا نغير توبيكات و نزينها و نحط الوان و نضيف برامج اخرى ثانيه له, و هذا مثال بسيط فقط.
اقسام و انواع التصميم و تحديد أهدافك من الفوتوشوب:
هناك قسمين أو غرضين من استخدام الفوتوشوب, يتفقان في أمور عديده و يختلفان في أمور عديده أيضاً .
القسم الاول هو التعامل مع الفوتوشوب كأدة عمل: مثلا استخدامه للعمل لتعديل الصور اذا كنت تعمل في مركز تصوير, او لشركة دعائية و تتطلب عمل تصاميم دعائية .. و غيرها. و هذا القسم له انواع عديده
القسم الثاني التعامل مع الفوتوشوب كأدة فنية: و لإستخدامه لابراز الاحساس و حب الفن , اظهار المشاعر او فقط للتسليه و غيره.. و هذا القسم ايضا له انواع عديدة من التصميم.
يوجد اختلاف بين القسمين في النظرة الفنيه و التقنية و الاحساس ايضا, الحس الفني عند المصمم لازم يكون مناسب للغرض من التصميم, على سبيل المثال المصمم المبتدئ iHacker هذا مصمم يتوجه اكثر شي للتصاميم الفنية و بالاخص لنوع التلاعب بالصور Photomanipulation , لو جبنا هالمصمم و قلنا له تعال صمم لنا مثلا مممممممم خلاف مجله لشركة نفط. ممكن يتوهق و يتبهدل و ما يعرف وش يسوي فهل هذا في هالحاله نقول عنه ما يعرف يصمم؟ طبعا لا و اكيد لا , لان مافي شخص الا عدد قليل يقدر انه يجمع كل انواع التصاميم من نفسه هو. يعني عشان اوضح المساله اكثر لو iHacker اخذ نظره سريعة على التصاميم الدعائية و مع شويه وقت ممكن يقدر بعدين يصمم غلاف مجله لشركة نفطية. و لكن من نفسه هو هذي صعبه جدا.
طبعا ايضا الفرق باستخدام الادوات ملحوظ بين القسمين , مثلا تصاميم iHacker ما يحتاج الى استخدام ادوات الرسم الهندسي مثل المربع او الدائره الا بشكل قليل , و نادرا ما يستخدم في تصاميمه اداة الرسم , بينما لو انه مصمم مثلا للبانارات او الشعارات فـ بالتاكيد راح يحتاج لهذي الادوات و بالمقابل راح يستغني مثلا عن استخدام الفلاتر بشكل اقل و ايضا استخدام الاكشن بشكل اقل.
ماراح اهدر كثير في هذي النقطه و راح انتقل الى نقطه اخرى و انا متاكد ان اللي راح يوصل لهذي النقطه عدد قليل من الناس 😀 , يعني بعد ما قرأ الهدره اللي فوق اكيد البعض مل و سكر الموضوع.
المهم نكمل فلسفتنا المهمه بالتصاميم....
تحديد الاهداف: انت كمصمم لازم تحدد هدفك من التصميم هل لعمل ام للفن نفسه؟ و انا ما اقول ان الي يصمم بهدف عمل معناه هذا مو مصمم و هذا مو فن , لا طبعا بالعكس هذا شي مو سهل ابدا و يتطلب مهاره عاليه و حس فني عالي ايضا و لكن حبيت اسميه تصاميم عمل و تصاميم فنيه فقط عشان يسهل عليكم معرفة النوعين و الفرق بينهم.
مثل ما قلت لازم تحدد هدفك و هذا بدوره يتطلب منك معرفة انواع التصميم المندرجه تحت القسم اللي اخترته و يعطيك دافع للاطلاع و التعلم عليه و على ادواته المهمه , لازم يكون عندك حس فني للقسم اللي انت تختاره و الحس الفني هو من اصعب الامور و هي اللي تكون عائق بين المصمم و بين تصميمه .
مواضيع و نصائح عامة :
بشكل عام كمصمم و مع بداية تعاملك مع الفوتوشوب لازم تحاول تتطلع على تصاميم كثيره و تتعرف على كيفية التعامل مع ادوات التصميم في كل فترة راح تتعلم الجديد و ايضا راح تفشل في تحقيق اهداف تصميمك مرات كثيره و هذا لا تخليه عائق ابدا, طالما انت تحب التصميم و تبغى تكون مصمم راح تواجه الفشل و لكن لا تخليه عائق بل خليه محفز لك عشان تتغلب عليه .
مافينا احد مصمم محترف و اللي يقول عن نفسه محترف انا مستعد اثبت له العكس , انا البعض منكم قد يكون مجامله و قد يكون صدق الله اعلم و لكنهم يعتبروني مصمم رائع و محترف نوعا ما و لكن هذا خطأ , وانا ما اتكلم من وجهة نظر تواضع لا بالعكس انا اتكلم من نظرتي لنفسي على مكانتي بين المصممين اللي اعرفهم و اللي اتعامل معاهم بشكل يومي , انا مجرد مبتدئ بالنسبة لهم حتى بالنسبة للنوع اللي احبه بالتصميم و هو التلاعب بالصور انا ماعندي الامكانيات الكافيه اني اوصل لمرتبة الاحتراف و هذي تتطلب خبره مش شهر او شهرين ولا ثلاثه هذي الخبره تجي على مر السنين و التعامل مع الفوتوشوب بشكل شبه مستمر.
وعشان ابين المسيرة الى الاحتراف راح اوضع لكم احدى اعمال المصمم الاحترافي و هو صديقي العزيز و مشيت معاه تقريبا من بداية تصاميمه الى الان بفتره تقريبا 5 سنوات , اسم المصمم: ياسر رضوان و يلقب نفسه Devian او Stigmachina وهو من القطيف و انا أعتبره افضل مصمم عرفته القطيف في هذا النوع من التصاميم دون استثناء و اعتقد راح تشاركوني الرأي, مشواره الفني كان يعتمد على التلاعب بالصور و هذي احدى تصاميمه :
هذا تصميم قديم له بالتلاعب مع الصور و نقدر نشوف امكانياته العاليه بالتصميم و في التلاعب بالصور.
وهذا تصميم اخر له بالتلاعب بالصور و هذا التصميم بالذات حاز على جائزه من اكبر موقع تصاميم موجود على الشبكه و هو موقع اجنبي اسمه deviantART: where ART meets application!
لاحظوا دقة التلاعب بالصور و التصميم و الحس الفني عندي و اللمسة الخياليه فيه , هذا شي بامكان اي شخص منكم يتميز فيه طالما هو عنده اصرار و حب للتصميم .
لا تحاولوا تكونوا كصديقي ياسر و تقلدو تصاميمه, انا اللي ابغاه هو انكم تعرفوا توجهكم و تكونوا لمستكم الخاصه في اي نوع من التصاميم سواء الخياليه او العملية او الدعائية او اي نوع انت تحس روحك تحبه و راح تبدع فيه.
طبعا المصمم ياسر تطور الان الى تصميم تصاميمه و مواضيعها بنفسه, و اصبح يستخدم برامج اخرى للتصميم و يعدلها بالفوتوشوب , اصبح هو يصمم شخصياته الرائعة بدون استخدام اي صور خارجيه و هذي بعض تصاميمه :
هذا التصميم مافيه اي صورة خارجيه ماعدا الحمامه اعتقد و باقي الامور هو صممها بنفسه .
اللي يبغى يشوف معرضه الكامل يتفضل من هالرابط : StigmaChina's deviantART Gallery
ويشوف الابداع بحق و حقيقه .
ماراح اطول اكثر , أتمنى اشوفكم مصممين موهوبين مثل ياسر و غير ياسر , في كثير مصممين ابدعوا في مجالاتهم و عندي اسماء لامعة كثير كثير في مجال التصميم.
اللي عنده اي سؤال او استفسار او مساعده يقدر يراسلني بالخاص او على الايميل او في هالموضوع او اي موضوع اخر, انا احب ادعم اي مصمم و اساعده باي طريقه اقدر عليها ولكن الشي الوحيد اللي اشرطه هو انه يكون فعلا متحمس و يبغى يكون مصمم في اي نوع سواء اللي انا فيه او اي نوع اخر.
تحيه
أيمن (ihacker)
يجب قراءة قوانين الدوره
http://vb.ashoorco.com/vb/t15190.html
أتمنى تعذروني أولاً لاني سئ جداً بايصال المعلومة أو الشروحات, و يا ليت تطولوا بالكم علي شوي.
موضوعي متقين أن الأغلبية ماراح يقرأه كله و البعض حتى ما راح يهتم له, و هذا شي طبيعي و متوقع, هو عبارة عن رسالة للمهتمين بتطوير تصاميمهم و حبهم للتصميم, هو عباره عن نصائح و ركائز لهم للمستقبل, فأتمنى لو شخص واحد منكم يهتم للتصميم فهذا الموضوع راح يهمه أكيد و هذا الهدف منه و من طرحي للموضوع انه يصل ولو لشخص واحد و يفيده, عشان اشوفه مستقبلا مصمم موهوب له حس فني و مشهور.
الفوتوشوب كبرنامج:
مثلما طرحت الاخت الندى (الله يعطيها العافيه) موضوع مقدمة للفوتوشوب و اظهرت لكم بعض من خصائصه و مميزاته أضيف أنا انه عباره عن برنامج كأي برنامج آخر له ادوات معينة كثيره و طويله و البعض منها معقد و صعب الفهم في البدايه و لكن مع الممارسة عليه و مع التشجيع الذاتي للتعود عليه راح تتمكن من التعامل مع بعض الادوات بسهوله كثيره و مع التواصل عليه باذن الله راح تتمكن من ادواته كاملة , و هذا حال أي برنامج جديد ممكن تستخدمه, مثلا أول ما استخدمنا برنامج المحادصه الماسنجر كان لسه شوي صعب و ما نعرف ايش الخصائص اللي فيه و الان مع مرور الوقت عرفناه و صرنا نغير توبيكات و نزينها و نحط الوان و نضيف برامج اخرى ثانيه له, و هذا مثال بسيط فقط.
اقسام و انواع التصميم و تحديد أهدافك من الفوتوشوب:
هناك قسمين أو غرضين من استخدام الفوتوشوب, يتفقان في أمور عديده و يختلفان في أمور عديده أيضاً .
القسم الاول هو التعامل مع الفوتوشوب كأدة عمل: مثلا استخدامه للعمل لتعديل الصور اذا كنت تعمل في مركز تصوير, او لشركة دعائية و تتطلب عمل تصاميم دعائية .. و غيرها. و هذا القسم له انواع عديده
القسم الثاني التعامل مع الفوتوشوب كأدة فنية: و لإستخدامه لابراز الاحساس و حب الفن , اظهار المشاعر او فقط للتسليه و غيره.. و هذا القسم ايضا له انواع عديدة من التصميم.
يوجد اختلاف بين القسمين في النظرة الفنيه و التقنية و الاحساس ايضا, الحس الفني عند المصمم لازم يكون مناسب للغرض من التصميم, على سبيل المثال المصمم المبتدئ iHacker هذا مصمم يتوجه اكثر شي للتصاميم الفنية و بالاخص لنوع التلاعب بالصور Photomanipulation , لو جبنا هالمصمم و قلنا له تعال صمم لنا مثلا مممممممم خلاف مجله لشركة نفط. ممكن يتوهق و يتبهدل و ما يعرف وش يسوي فهل هذا في هالحاله نقول عنه ما يعرف يصمم؟ طبعا لا و اكيد لا , لان مافي شخص الا عدد قليل يقدر انه يجمع كل انواع التصاميم من نفسه هو. يعني عشان اوضح المساله اكثر لو iHacker اخذ نظره سريعة على التصاميم الدعائية و مع شويه وقت ممكن يقدر بعدين يصمم غلاف مجله لشركة نفطية. و لكن من نفسه هو هذي صعبه جدا.
طبعا ايضا الفرق باستخدام الادوات ملحوظ بين القسمين , مثلا تصاميم iHacker ما يحتاج الى استخدام ادوات الرسم الهندسي مثل المربع او الدائره الا بشكل قليل , و نادرا ما يستخدم في تصاميمه اداة الرسم , بينما لو انه مصمم مثلا للبانارات او الشعارات فـ بالتاكيد راح يحتاج لهذي الادوات و بالمقابل راح يستغني مثلا عن استخدام الفلاتر بشكل اقل و ايضا استخدام الاكشن بشكل اقل.
ماراح اهدر كثير في هذي النقطه و راح انتقل الى نقطه اخرى و انا متاكد ان اللي راح يوصل لهذي النقطه عدد قليل من الناس 😀 , يعني بعد ما قرأ الهدره اللي فوق اكيد البعض مل و سكر الموضوع.
المهم نكمل فلسفتنا المهمه بالتصاميم....
تحديد الاهداف: انت كمصمم لازم تحدد هدفك من التصميم هل لعمل ام للفن نفسه؟ و انا ما اقول ان الي يصمم بهدف عمل معناه هذا مو مصمم و هذا مو فن , لا طبعا بالعكس هذا شي مو سهل ابدا و يتطلب مهاره عاليه و حس فني عالي ايضا و لكن حبيت اسميه تصاميم عمل و تصاميم فنيه فقط عشان يسهل عليكم معرفة النوعين و الفرق بينهم.
مثل ما قلت لازم تحدد هدفك و هذا بدوره يتطلب منك معرفة انواع التصميم المندرجه تحت القسم اللي اخترته و يعطيك دافع للاطلاع و التعلم عليه و على ادواته المهمه , لازم يكون عندك حس فني للقسم اللي انت تختاره و الحس الفني هو من اصعب الامور و هي اللي تكون عائق بين المصمم و بين تصميمه .
مواضيع و نصائح عامة :
بشكل عام كمصمم و مع بداية تعاملك مع الفوتوشوب لازم تحاول تتطلع على تصاميم كثيره و تتعرف على كيفية التعامل مع ادوات التصميم في كل فترة راح تتعلم الجديد و ايضا راح تفشل في تحقيق اهداف تصميمك مرات كثيره و هذا لا تخليه عائق ابدا, طالما انت تحب التصميم و تبغى تكون مصمم راح تواجه الفشل و لكن لا تخليه عائق بل خليه محفز لك عشان تتغلب عليه .
مافينا احد مصمم محترف و اللي يقول عن نفسه محترف انا مستعد اثبت له العكس , انا البعض منكم قد يكون مجامله و قد يكون صدق الله اعلم و لكنهم يعتبروني مصمم رائع و محترف نوعا ما و لكن هذا خطأ , وانا ما اتكلم من وجهة نظر تواضع لا بالعكس انا اتكلم من نظرتي لنفسي على مكانتي بين المصممين اللي اعرفهم و اللي اتعامل معاهم بشكل يومي , انا مجرد مبتدئ بالنسبة لهم حتى بالنسبة للنوع اللي احبه بالتصميم و هو التلاعب بالصور انا ماعندي الامكانيات الكافيه اني اوصل لمرتبة الاحتراف و هذي تتطلب خبره مش شهر او شهرين ولا ثلاثه هذي الخبره تجي على مر السنين و التعامل مع الفوتوشوب بشكل شبه مستمر.
وعشان ابين المسيرة الى الاحتراف راح اوضع لكم احدى اعمال المصمم الاحترافي و هو صديقي العزيز و مشيت معاه تقريبا من بداية تصاميمه الى الان بفتره تقريبا 5 سنوات , اسم المصمم: ياسر رضوان و يلقب نفسه Devian او Stigmachina وهو من القطيف و انا أعتبره افضل مصمم عرفته القطيف في هذا النوع من التصاميم دون استثناء و اعتقد راح تشاركوني الرأي, مشواره الفني كان يعتمد على التلاعب بالصور و هذي احدى تصاميمه :
هذا تصميم قديم له بالتلاعب مع الصور و نقدر نشوف امكانياته العاليه بالتصميم و في التلاعب بالصور.
وهذا تصميم اخر له بالتلاعب بالصور و هذا التصميم بالذات حاز على جائزه من اكبر موقع تصاميم موجود على الشبكه و هو موقع اجنبي اسمه deviantART: where ART meets application!
لاحظوا دقة التلاعب بالصور و التصميم و الحس الفني عندي و اللمسة الخياليه فيه , هذا شي بامكان اي شخص منكم يتميز فيه طالما هو عنده اصرار و حب للتصميم .
لا تحاولوا تكونوا كصديقي ياسر و تقلدو تصاميمه, انا اللي ابغاه هو انكم تعرفوا توجهكم و تكونوا لمستكم الخاصه في اي نوع من التصاميم سواء الخياليه او العملية او الدعائية او اي نوع انت تحس روحك تحبه و راح تبدع فيه.
طبعا المصمم ياسر تطور الان الى تصميم تصاميمه و مواضيعها بنفسه, و اصبح يستخدم برامج اخرى للتصميم و يعدلها بالفوتوشوب , اصبح هو يصمم شخصياته الرائعة بدون استخدام اي صور خارجيه و هذي بعض تصاميمه :
هذا التصميم مافيه اي صورة خارجيه ماعدا الحمامه اعتقد و باقي الامور هو صممها بنفسه .
اللي يبغى يشوف معرضه الكامل يتفضل من هالرابط : StigmaChina's deviantART Gallery
ويشوف الابداع بحق و حقيقه .
ماراح اطول اكثر , أتمنى اشوفكم مصممين موهوبين مثل ياسر و غير ياسر , في كثير مصممين ابدعوا في مجالاتهم و عندي اسماء لامعة كثير كثير في مجال التصميم.
اللي عنده اي سؤال او استفسار او مساعده يقدر يراسلني بالخاص او على الايميل او في هالموضوع او اي موضوع اخر, انا احب ادعم اي مصمم و اساعده باي طريقه اقدر عليها ولكن الشي الوحيد اللي اشرطه هو انه يكون فعلا متحمس و يبغى يكون مصمم في اي نوع سواء اللي انا فيه او اي نوع اخر.
تحيه
أيمن (ihacker)