رد: درس تحديد مستوى
السلام ,
انا علقت و حطيت نقد بشكل عام للجميع, لسه الوقت بدري على النقد بشكل خاص, و حتى النقد له طريقه مختلفه , احنا ما ننتقد الشي من واقع مثلا جمالي, يعني مستحيل اقول و الله هالصوره يا فلانه مو مناسبه لا , لان اللي يقول كذا هذا ما عنده ما عند جدتي 😀 , المصمم حر باستخدام اي صورة يبغاها سواء عجبتنا اولا , و احنا علينا ننتقد نوعا ما الجانب التقني و التناسق بشكل عام, ايضا النقد الي يكون مجامله ماهو جيد و بالمقابل النقد بشكل سئ و من جانب سلبي ماهو جيد. هذي نبذه صغيره عن النقد اللي يتعامل فيه المصممين الكبار و انا تعلمت هالشي منهم كتلميذ لهم.
الان نرجع و اعيد اقول للجميع تصاميمكم جميله و لكنها تقليديه , الجانب التقني فيها ممتاز فيها كمبتدأين, بس لو مثلا بعد اسبوعين او شهر من الان على نفس المستوى هذا , احتمال ما اكتب شي بقسم الدوره 😀 .
بشكل سريع بعض التعليقات للي طلبوا :
نور الغربة : اعتقد انتي عملتي طبقتين , طبقة الصورة الاساسية و طبقه اخرى للهاله او تدرج اللون . انتي وضعتي طبقة تدرج اللون فوق الصوره الاساسية و موضوع الصوره و كان المفروض تخليه بالعكس او على الاقل تخففي من شدة التظليل بوسط الصوره عشان تظهر ملامحها اكثر او جمالها اكثر. ايضا كان المفروض الصوره الاساسيه تقصي منها الكلام اللي تحت او الحواف و بعدين تعملي طبقة التدرج و تحاولي تزبطي الوضع و تخليهم مدموجتين مع بعض.
يعني باختصار شديد ... تسوين العمل من 4 طبقات ..طبقه بيضاء مافيها اي شي . طبقة للصوره الاساسيه و هذي بالمساحه (ولكن تكون خفيفه مش شديده القوة ) و تمسحي الجوانب و الكلام اللي تحت فقط . طبقه ثالثه للفراشات عشان تتحكمي بمكانهم و في بروز الالوان فيهم . و طبقه رابعه للتدرج في اللون الاسود و يكون بعدين تنسقيه بحيث يكون على الحواف فقط و في النص يكون شفاف لاقصى درجه عشان الصوره الاساسيه تظهر بشكل اجمل.
تصميمج و عملج الحالي عجبني فيه انج ما حطيتي عبارات و حاولتي تستخدمي طرق جديده.
اكرفيه للابد : نفس الكلام اللي قلته لباقي البنات بالرد السابق هو نفسه لج ايضا , و حاولي قدر الامكان تنزلي برنامج الفوتوشوب 10 بدون اي برامج تسريع انترنت او غيرها , لان هالبرامج اصلا خراط و ماهي صحيحه و ماهي عمليه 100%.
ابو ميرزا : خلك غناتي انت وين و الفوتوشوب وين 😀 , احنا ننفصل و انت تلبس يا قلبي لا تشيل هم و بعطيك دروس خصوصيه :mh9543:.
وبعدين تعال تعلمهم على ويه عفر؟ :60:
الوان الفرح: انتي قولي لي اول وش الصور اللي استخدمتيهم بالتصميم و ايش اللي سويتيه بنفسك؟
