رد: الدرس الثاني / شرح واجهة البرنامج للفوتوشوب العاشر
لتوضيح مسأله الطبقات اكثر سواء لرتوش او للباقي .
الطبقات هي اهم اسرار الفوتوشوب, لان عن طريقها ممكن تحقق امور كثيره صعبه انها تستوي او شبه مستحيل انها تستوي بدون طبقات .
مثلا عندكم هالصوره هذي انا مسويها بشكل سريع عشان اوريكم احدى فوائد الطبقات و هي التحكم باللون و الخلفيه مثلا ..
[
لاحظوا بالصوره و ركزوا على تدرج الالوان بالاخص جهة اليسار .. تشوفو تقريبا في 3 الوان و هي البيج او البرتقالي و الازرق و البنفسجي , هذي وحده من خصائص الطبقات اللي ممكن تتحكم فيها و تعدل كل لون بروحه حسب مزاجك .
ايضا تصميمي
طريقة تلوين الشرائط للبنت و باقي الجسم نفس لون باقي التصميم سهله جداً و ايضا الطبقات لها دور فيها و بشرح هالنقطه اكثر بس اول شي شوفوا الصوره الاصليه للبنت عشان تقدروا تفهموا معاي الموضوع .
في التصميم الان عملت طبقتين (او صورتين) للبنت , الاولى غيرت الوانها كامله بحيث انها تتماشى مع التصميم و الثانيه (يعني الطبقه الثانيه) خليتها فوقها تماما بدون ما اغير الوانها. الحين جبت المساحه و رحت للطبقه الثانيه للبنت (اللي ما غيرت الوانها) و مسحت كل اجزاء البنت ماعدا الشرائط. و بكذا صارت عندي نتيجه هي ان البنت نفس لون التصميم و الشرائط احتفظت بلونها. طبعا بعدين طبقه الشرائط غيرت لونها شوي عشان يكون مناسب اكثر و عملت شوي فلتر blur خفيف جدا و باقي التعديلات الخفيفه .
اللي ابي اوضحه ان الطبقات تستخدم بمثل هذي الامور , انت جالس تركب تركيبه بس هذا هي .
اتمنى مساله الطبقات وضحت اكثر شوي, اللي عنده استفسار او سؤال ثاني يتفضل.
