السلام عليكم
أتمنى تعذروني على التقصير وعلى الغياب في الفتره السابقة , مهما قدمنا لكم ماراح نوفي حقكم أبداً و ياليت ان يتم تنحيتي عن الاشراف على قسم الدورة لاسباب خاصه فيني.
مشاركاتي كعضو أفضل بكثير, لاني ماقدر بصراحه اتابع و احط مجهودي على التصميم و على اداره قسم و على دروس و ايضا انا مشارك في منتدى ثاني فهذا شي مستحيل اني اقدر اقسم شغلي في اكثر من مكان, لان في مكان معين راح ينقص مجهودي فيه و راح اصير مقصر في حق البعض.
ودي أقدم لكم نصيحه او خلنا نقول وجهة نظر لكم الحق في قبولها أو رفضها, قسم التصميم في منتدى شعاع القطيف يعاني بصراحه من ضعف كبير مو من ناحيه المصممين لا, لان في ناس مصممة و تستحق هاللقب هذا بجداره, و لكن العيب بالقسم هو كثرة تشعباته و أقسامه وهذا الشي اللي أضعف القسم العام للتصميم و عرض التصاميم.
كُل الامور الفنية لازم انك ما تشعبها كثير و تبدأ من صغير و تكبر شوي شوي , لانك اذا بدأت بدايه كبيره في المستقبل 100% راح ينخفض مستواك و هذا اللي حاصل الان. بسبب ان في ناس ما يهتموا للتصاميم و تدش القسم لزيادة مشاركات , مثلا شاف له ملف psd او قالب معين و قال بوضعه لهم , و هذا شي ما أقول انه مرفوض و مو زين و لكن في الوقت الحالي مو زين أبداً .
المُصمم يبغى الناس تشوف أعماله و ترد عليه و تنتقده , اذا ما تحقق هذا الشي ماراح ابداً يستمر بالمنتدى مهما أنت وفرت له من عدة و من قوالب و من امور ثانيه, لان هذي الامور ما تهم اي مُصمم و لو انه مثلا احتاج لها, صدقوني آخر مكان راح يبحث فيه هو المنتدى لان المواقع المتخصصه بهذي الامور اكبر و مجالها أوسع و أكثر شهره, و هذا مو انقاص من قدر المنتدى و لكن خلونا نكون واقعيين هل من الممكن ان قسم التصميم بشعاع القطيف يواجه موقع كامل متخصص بالتصميم؟؟ طبعا لا وهذا يرفضه اي عاقل. جميل إنك توفر هذي الامور و لكن بحدود معينه و مش في الوقت الحالي, المفروض ننتظر لين تحس ان القسم الاساسي كبر و صار فيه مشاركات ذاك الوقت نبدأ نتفرع بفروع أخرى لقسم التصميم و فقط الفروع اللي راح تنجح و لها اهتمام من قبل أعضاء المنتدى أولاً و بعدين من قبل اللي ممكن نجذبهم من الخارج .
ما أتكلم من واقع جهل , و ابو ميرزا انت تعرفني حق المعرفه انا من عام 98 و انا بالانترنت و بعالم المنتديات و كنت مدير عام موقعين و مشرف و اداري في موقع ثالث كبير , اخذوا وجهة نظري و ادرسوها من شخص ما راح اقول يمتلك الخبره و لكن امتلك جزء منها فقط .
أطلت الحديث عليكم و آسف جداً مره أخرى , موضوعي هذا مش معناه انقطاعي عنكم و لكن بداية جديده كعضو عادي وراح اوضع لكم تصاميمي بين كل فتره و فتره فقط اذا حسيت ان القسم فعلاً تنشط و بدأ يتجه الى اتجاه يهتم فعلا بالمصممين و بالمواهب و يشجعهم اكثر و اكثر لان هذا هو الهدف من وراء المنتديات , الخدمه لمجتمع معين او لمواهب معينه. ومو فقط أنا راح اشارك اذا تم هالشي و لكن وعد مني إني اجيب ناس محترفه تصميم اكبر و افهم مني تشارك ايضا بالمنتدى.
هديه أخيره راح أقدمها للاخت الندى على مجهودها الرائع بالدوره و في القسم و اللي تستحق فعلا الثناء عليه و الشكر .
و أيضا هديه أخيره للأخت نبضة قلب, مع إنها تحب تنتقدني و تعارضني شوي 😀 بس أنا أعجب جداً بالاشخاص اللي كذا لان هذول فيهم روح حب المعرفه و التطور أكثر.
الهديه صغيره و ياليت أقدر اقدم لهم أكثر و أكبر وهي عباره عن مجموعة 5 DVD . فيهم دروس من أروع ما يكون لاحتراف الفوتوشوب وهذول مستحيل تلقاهم او تحملهم من الانترنت لانهم نادرين جداً و حجمهم كبير ولازم تشتريهم من الموقع , و من اسمهم يكفي ان الواحد يعرف وش بيكون محتواهم. Photoshop Top Secret و هذا موقعهم عشان تشوفوا نبذه بسيطه للدروس و قوتها.
Photoshop Tutorials on DVD | Photoshop Top Secret
راح انسخهم ان شاء الله قريباً و اعطيهم ابو ميرزا و هو يتصرف بعدين كيف يوصلها لكم 😀, و لكم الحق بعدين اذا تبغوا تعطوها احد او تهدوها احد , و لكن اعطوها اللي يستحق فعلاً لانها مو سهله و مايقدر شخص مبتدا يفهمها.
و كنت اتمنى الباقي من المشرفين و المراقبين اقدم لكم شي و لكن ما عندي غير كلمات الشكر و التقدير لكم على كل شي .
أعتذر لكم مره أخيره على التقصير الكبير في حقكم و في حق المنتدى.
محبتي
أيمن
أتمنى تعذروني على التقصير وعلى الغياب في الفتره السابقة , مهما قدمنا لكم ماراح نوفي حقكم أبداً و ياليت ان يتم تنحيتي عن الاشراف على قسم الدورة لاسباب خاصه فيني.
مشاركاتي كعضو أفضل بكثير, لاني ماقدر بصراحه اتابع و احط مجهودي على التصميم و على اداره قسم و على دروس و ايضا انا مشارك في منتدى ثاني فهذا شي مستحيل اني اقدر اقسم شغلي في اكثر من مكان, لان في مكان معين راح ينقص مجهودي فيه و راح اصير مقصر في حق البعض.
ودي أقدم لكم نصيحه او خلنا نقول وجهة نظر لكم الحق في قبولها أو رفضها, قسم التصميم في منتدى شعاع القطيف يعاني بصراحه من ضعف كبير مو من ناحيه المصممين لا, لان في ناس مصممة و تستحق هاللقب هذا بجداره, و لكن العيب بالقسم هو كثرة تشعباته و أقسامه وهذا الشي اللي أضعف القسم العام للتصميم و عرض التصاميم.
كُل الامور الفنية لازم انك ما تشعبها كثير و تبدأ من صغير و تكبر شوي شوي , لانك اذا بدأت بدايه كبيره في المستقبل 100% راح ينخفض مستواك و هذا اللي حاصل الان. بسبب ان في ناس ما يهتموا للتصاميم و تدش القسم لزيادة مشاركات , مثلا شاف له ملف psd او قالب معين و قال بوضعه لهم , و هذا شي ما أقول انه مرفوض و مو زين و لكن في الوقت الحالي مو زين أبداً .
المُصمم يبغى الناس تشوف أعماله و ترد عليه و تنتقده , اذا ما تحقق هذا الشي ماراح ابداً يستمر بالمنتدى مهما أنت وفرت له من عدة و من قوالب و من امور ثانيه, لان هذي الامور ما تهم اي مُصمم و لو انه مثلا احتاج لها, صدقوني آخر مكان راح يبحث فيه هو المنتدى لان المواقع المتخصصه بهذي الامور اكبر و مجالها أوسع و أكثر شهره, و هذا مو انقاص من قدر المنتدى و لكن خلونا نكون واقعيين هل من الممكن ان قسم التصميم بشعاع القطيف يواجه موقع كامل متخصص بالتصميم؟؟ طبعا لا وهذا يرفضه اي عاقل. جميل إنك توفر هذي الامور و لكن بحدود معينه و مش في الوقت الحالي, المفروض ننتظر لين تحس ان القسم الاساسي كبر و صار فيه مشاركات ذاك الوقت نبدأ نتفرع بفروع أخرى لقسم التصميم و فقط الفروع اللي راح تنجح و لها اهتمام من قبل أعضاء المنتدى أولاً و بعدين من قبل اللي ممكن نجذبهم من الخارج .
ما أتكلم من واقع جهل , و ابو ميرزا انت تعرفني حق المعرفه انا من عام 98 و انا بالانترنت و بعالم المنتديات و كنت مدير عام موقعين و مشرف و اداري في موقع ثالث كبير , اخذوا وجهة نظري و ادرسوها من شخص ما راح اقول يمتلك الخبره و لكن امتلك جزء منها فقط .
أطلت الحديث عليكم و آسف جداً مره أخرى , موضوعي هذا مش معناه انقطاعي عنكم و لكن بداية جديده كعضو عادي وراح اوضع لكم تصاميمي بين كل فتره و فتره فقط اذا حسيت ان القسم فعلاً تنشط و بدأ يتجه الى اتجاه يهتم فعلا بالمصممين و بالمواهب و يشجعهم اكثر و اكثر لان هذا هو الهدف من وراء المنتديات , الخدمه لمجتمع معين او لمواهب معينه. ومو فقط أنا راح اشارك اذا تم هالشي و لكن وعد مني إني اجيب ناس محترفه تصميم اكبر و افهم مني تشارك ايضا بالمنتدى.
هديه أخيره راح أقدمها للاخت الندى على مجهودها الرائع بالدوره و في القسم و اللي تستحق فعلا الثناء عليه و الشكر .
و أيضا هديه أخيره للأخت نبضة قلب, مع إنها تحب تنتقدني و تعارضني شوي 😀 بس أنا أعجب جداً بالاشخاص اللي كذا لان هذول فيهم روح حب المعرفه و التطور أكثر.
الهديه صغيره و ياليت أقدر اقدم لهم أكثر و أكبر وهي عباره عن مجموعة 5 DVD . فيهم دروس من أروع ما يكون لاحتراف الفوتوشوب وهذول مستحيل تلقاهم او تحملهم من الانترنت لانهم نادرين جداً و حجمهم كبير ولازم تشتريهم من الموقع , و من اسمهم يكفي ان الواحد يعرف وش بيكون محتواهم. Photoshop Top Secret و هذا موقعهم عشان تشوفوا نبذه بسيطه للدروس و قوتها.
Photoshop Tutorials on DVD | Photoshop Top Secret
راح انسخهم ان شاء الله قريباً و اعطيهم ابو ميرزا و هو يتصرف بعدين كيف يوصلها لكم 😀, و لكم الحق بعدين اذا تبغوا تعطوها احد او تهدوها احد , و لكن اعطوها اللي يستحق فعلاً لانها مو سهله و مايقدر شخص مبتدا يفهمها.
و كنت اتمنى الباقي من المشرفين و المراقبين اقدم لكم شي و لكن ما عندي غير كلمات الشكر و التقدير لكم على كل شي .
أعتذر لكم مره أخيره على التقصير الكبير في حقكم و في حق المنتدى.
محبتي
أيمن