رد: قلبي ماجف لكن ....
التصميم باين عليه خبط لزق
لو عاطية ظل في الصورة تحت الثوب
يكون اجمل
بالتوفيق
بصراحه مستغرب جداً من الرد , و طالما في حريه بالردود و الانتقاد انا ايضا راح انتقد
اول شي و الكلام موجه لج انتي اخت شجن الروح و لكل واحد يظن هنا بالمنتدى انه مُصمم و إنه فنان و من حقه ينتقد و يشوف الاخطاء , اذا انت تحس فعلا من حقك الانتقاد اول شي انظر لنفسك و شوف هل تملك هذي الامور:
1- رصيد فني : بمعنى تصاميم موجوده لك و معروضه في منتديات او في مواقع .
2- النظرة الفنيه : و هذي موهبه و خبره من خلال محاكاة التصاميم الكبيره بشكل مستمر و بشكل يومي .
اذا كنت تملك الاول و الثاني او الثاني فقط فإنت من حقك تنتقد و لكن انتقادك راح يرتبط بامور ثانيه و هي :
1- اذا كنت تملك نظره فنيه اذاً انت المفترض تكون ناقد لجمال التصميم و تكوينه و تركيبه و تبتعد عن الامور التقنيه اللي انت تجهلها و تجهل كيف تكون , النظره الفنيه ايضاً تكون حسب خبرتك بنوع التصميم و اللي اعتقد انتي اخت شجن تجهليها كلها .
2- اذا كنت تملك رصيد من التصاميم فهذا مو سبب كافي للنقد ايضاً لان النظره الفنيه لها أهميتها, و رصيدك من التصاميم هو فقط خبره عمليه تقنيه , كثير مصممين يشتغلوا على الفتوشوب لسنوات و لكن ماعندهم اي ذوق بتاتاً . و مثل ماقلت نظرتك الفنيه و تذوق الفن هذا شي تكسبه بمحاكاة التصاميم مو بمعرفة تقنيه البرامج و هالامور.
الان نجي لتصميم الاخت ألوان الفرح
وبصراحه أنا اوقف و أصفق لها على شجاعتها اول شي بعرض التصاميم و ايضا على شجاعتها و قوتها بتحمل النقد وهذا فعلا المصمم الناجح اللي راح يكون له مستقبل , مافي شخص يطلع من بطن أمه و هو عارف وعنده خبره في كل الامور , الانسان يتعلم شوي شوي .
من واجبنا تجاه الاخرين احترامهم و تشجيعهم , من واجبنا ان احنا دائما نوقف معاهم , انا يوم كتبت لها و اثنيت على تصميمها هذا لاني اعرف امكانياتها كمصممه مبتدأه , انا عارف ان التصميم فيه أخطاء و يمكن كثيره , و لكن مو مهمه هذي الاخطاء , لان الانسان يتعلم شوي شوي , لكذا انا عطيتها و إنتقدتها نقد بناء و مدح على حسب الامور اللي هي أجادتها و ابدعت فيها و ما جلست أدقق بالاخطاء , ولكن لو مثلا الاخت الوان الفرح بعد سنه من الان توضع تصميم مثل هذا , أكيد راح أنتقدها على بعض الامور أكثر و راح يكون نقدي مو لاذع و استخدم كلمات المفترض ما تَستخدم , راح أنتقدها و ابين لها الاخطاء بأسلوب راقي , لان الرُقي هو من اساسات الفن .
الكلام موجه لك إنتي أخت شجن و لكل شخص ينتقد بأسلوبك , اذا في أحد يملك الشجاعه و فعلاً يعتبر نفسه مصمم او فنان يوضع لنا تصاميم له و يورينا شغله و عمله و انا بكون بالانتظار
🙂 بدل ماهو يحطم و يقتل مواهب الاخرين.
