[ درس ] الدرس التاسع عشر: التلاعب باللون و الدمج

[نـ العيون ـور]

رد: التلاعب باللون و الدمج

بعد ما نضغط ok , نضغط الان على ctrl +shift + i و هذا عشان يعكس لنا التحديد يعني الان التحديد اللي صار على الشخصيه راح منها و انعكس الى حدود او حواف الشخصيه بس و هذا هو المطلوب , و الان نروح الى فلتر blur و نختار blur مثل ماهو موضح بالصوره في الاسفل , و بكذا يصير عندنا effect او تاثير بالدمج شوي , يعني الحواف ماراح تكون بارزه بالشخصيه و يصير مظهر التصميم مو أوكي , هالعمليه او الحركه هذي مهمه جداً في كل التصاميم , احياناص ما تبين ان في فرق و لكن هو في فرق فعلاً و يمكن انه ما يكون ظاهر بهذا التصميم لانه خفيف و الدمج فيه مو مطلوب بشكل كبير و لكن في تصاميم ثانيه هالحركه تأثر كثير .

الصوره مو طالعه عندي


الان نعمل طبقة جديده مثل ماهو موضح بالصوره في الاسفل

الان نختار اللون الازرق مثلا (لكم حريه اختيار اي لون حسب ذوقكم) و بعدين نختار الاداه Gradient مثل ماهو موضح بالصوره

الان نروح للزاويه مثلا (مو مهم وين تقدر تروح اي مكان بالتصميم تبغى اللون الازرق يكون فيه) و تسحب لين ربع او منتصف التصميم عشان تلون المنطقه المعينه مثل ماهو واضح بالصوره.

تم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 614 في 326 وحجم الصورة 27 كيلو بايت

طبعا اللون ماراح يكون عدل 100% و راح يكون فيه شوي غباء 😀 , و هنا الزبده وهنا طريقة الدمج تكون و هي انك تروح للخيارات اللي في قائمة الطبقات مثل ماهو موضح بالصوره في الاسفل و تختار منها اي خاصيه انت على ذوقك تشوفها مناسبه و انا في هالتصميم هذا ولهذي الطبقه بالذات اخترت color .

اوصل الى هنا

وتتطلع لي النتيجه

صوره رماديه

مدري ليش



شوف النتيجه
وحتى لو كملت الى الاخير
ما تطلع لي الوان

 

[غروب المحبة]

رد: التلاعب باللون و الدمج

اللهم صل على محمد وال محمد

عدت بالتطبيق..

اخ ايمن درسك ينطبق عليه السهل الممتنع....يسلموا

 

[أيمن]

رد: التلاعب باللون و الدمج

سلام

أم حسن : مهو لازم الخيارات حق اللون اللي موجوده في قائمة الطبقات تعدلي فيها , و ايضا مو كل لون فوق الثاني راح يظهر حتى و ان كان طبقه جديدة, اختيار الالوان مهم و أيضا خصائص اللون كيف يكون هل هو color او overlay او maltiply او soft light او غيره من الخصائص اللي موجوده.

أخت أكرفية : الدرس سهل مره , ركزي فيه شوي و اخذي وقتج لا تستعجلي , اقريه ره و اثنين و ثلاثه , و يزبط هذا الدرس مع كل اصدارات الفوتوشوب.

ألوان الفرح: ابدعتي خيه بالتطبيق 🙂 و اهم شي انه يعجبك انتي , التصميم هذا فنك و هذا شخصيتك.

نور العيون : راح اعدل الصوره عشان تظهر و لكن هالخطوه سهله , ما يحتاج حتى الصوره تكون موجوده لان الخطوات مكتوبه و واضحه .. بعد ما تغطي ctrl +shift + i خلاص تروحي للقائمه اللي في الاعلى filter و بعدين blur و بعدين تختاري blur و خلاص , بعدين تشيلي التحديد من على الصوره و انتهى الامر , (طريقة الغاء التحديد هي ctrl + D ) .
بالنسبة للون الرمادي , خيه تأكدي فوق مثل ماهو موضح باخر صوره في الاقتباس اللي اقتبستيه و محدد باللون الاصفر , ان التدرج اللي تستخدميه هو من ازرق الى شفاف , ما يكون مثلا ازرق و اسود او رمادي 🙂

غروب المحبه : ابدعتي خيه و يعطيج العافيه 🙂 .

 

[نـ العيون ـور]

رد: التلاعب باللون و الدمج



هذا تطبيقي

ولا ادري هو صح او خطا

تعبت وانا اعيد وازيد فيه

حتى نتيجته مو عاجبتني مدري ويش فيه

مو راضي يطلع معاي مثل الناس


اذا خطا قول لي حتى اعيده مره ثانيه

 

[أيمن]

رد: التلاعب باللون و الدمج

مافيه خطأ خيه , وين الخطا اللي فيه 🙂

جميل و يعطيج العافيه , ترى كلها السالفه تعديل خصائص و تناسق الوان بس , و اذا النتيجه مو عاجبتنج انتي تقدري تعيديها و تشتغلي عليها على رواقه .

شوفو شباب , اغلب المصممين المبتدئين يتسرعوا كثير, و البعض منهم يبغى يتقن الشغل 100% من اول مره , انا اقولكم التصاميم باي شكل من الاشكال سواء مثل اللي انا اسويهم , او تصميم حق تعديل اسيديو او لاي امر ثاني لا تستعجل فيه بتاتاً , اخذ وقتك و ظل اشتغل ساعات او حتى ايام , مو لازم تنهيه في نفس اللحظه عشان تطلع بنتيجه صح و مرضيه لك و للجميع, اذا مثلا تحس نفسك زهقت خلاص من التصميم و مالك خلق تشتغل , احفظ العمل و تعال له وقت ثاني وقت ما يكون لك نفس و اشتغل عليه من جديد.

المساله الثانيه لا تتوقع انك بتكون دقيق 100% في التصاميم , و لازم بتكون عندك أخطاء , بس انت باصرارك و مع الوقت والتعلم راح تتقن كل شي و تعرف كيف تسوي هذا و هذا.

مابي خاطركم يضيق او شخص فيكم يقول اوهو انا ماعرف و يجي له ياس من البدايه , انا ادري يمكن البعض يضايق يشوف الكل سوا كل شي و هو ما سوا شي , بس هذا طبيعي جداً صدقوني , هذا مو دليل على ان فلان يعرف و انت ما تعرف , شوي شوي و كل شخص فيكم بيكون مصمم كبير 🙂 .

 

[ام حسن]

رد: التلاعب باللون و الدمج

هذا تطبيقي

ما طلع معاي اكثرمن كدا

ادري راح تضحكون عليه من جمال التصميم والابداع

لكن يالله شيء افضل من لاشيء

تحيااتي

 

[أيمن]

رد: التلاعب باللون و الدمج

يعطيج العافيه يا ام حسن , ممتاز التطبيق

 

[بسمة أمل]

رد: التلاعب باللون و الدمج


اللهم صل وسلم على محمد ، وآل محمد

يعطيك العافية ، أخ أيمن
منذ مدة وأنا أنتظركم في مثل هذه الدروس ، فهي بغيتي ..
نقدكم قائدي وداعمي ، آمل ألا تبخلوا علي به ..

الصور المستخـــدمة :

التطبيق :

كل الشكر والتقديــر ،
ومبارك لكم عيد الولاية ، وأدامكم الله لعلي موالين

 

[أيمن]

رد: التلاعب باللون و الدمج

ممتازه يا بسمه , أبهرتيني باستخدام صور ثانيه و مؤثرات ثانيه و تصميم مختلف 🙂
يعطيج العافيه خيه .

 

[دوم متأخر]

رد: الدرس التاسع عشر: التلاعب باللون و الدمج

يسلموا على الدرس


هذا تطبيقي
بعد عدة محاولات :[s=020]: صفيت على هالشكل
إن شاء الله يكون مقبول





حيوووووووووو