برمودا تحت العباءه ... والسيقان طالعه ..خوش والله

ام البنات

شعــ V I P ــاع
إنضم
13 سبتمبر 2008
المشاركات
1,580
النقاط
0
في السابق كنا نشوف ظواهر تنتشر في المجتمع ونستنكرها وماتدخل العقل لتعارضها سواء للدين الاسلامي او العادات والتقاليد..


كانت البنت في السابق الا تلبس العباة المطرزه والمزخرفه والملونه نقول عنها بنت (صايعه ) اسفه على هالكلمه بس هذا الواقع او نقول عنها بنت مو مربيه او ما وراها اهل .. لأن المألوف كان اللون الاسود والساترللفتاه واللي ابعد مايكون للفتنه وجذب الانتباه..
icon301.gif
icon301.gif
icon301.gif

واليوم.. صار الشيء عادي..او نقدر نقول تعودنا نشوفه يمكن لإنتشاره بين أغلب الفتيات او يمكن لظهور ظواهر اخرى..مثل.. العبايه المخصره واللي من ظهورها وحتى الان والحديث عنها لاينتهي...



عموماً .. اني ماودي اتطرق لامور قديمه ياما تكلمنا عنها وناقشناها..
024.gif



لكن الظاهره اللي انتشرت في الفتره الاخيره تتطلب منا مناقشتها والتحدث عنها ..

وهي ظاهرة البرمودا القصير تحت العباءه..زين وياريت تكون العبايه مسكره.. الا مفتوحه من تحت وتظهر السيقان فرجه للكل..:عين زايغه

يعني ودي اعرف وش هدف الفتاة لما تلبس برمودا والسيقان طالعه وتتمشى في المجمع بكل ثقه..؟؟

واللي يقهر اكثر لو طالعتها بنظرةاستغراب قامت تطالعك بنظرة احتقار.. كأنك غلطت عليها بالنظره.. ونست انها هي صاحبة التصرف وهي اللي حطت روحها في هالموقف..

والمشكله بعد اذا تعرض لا احد الشباب قامت تسبه وتقول له انت قليل ادب ومو متربي ووووو .......الخ


طيب اذا هو قليل ادب انتي وش تطلعين؟؟انتي مااحترمتي نفسك ولا حشمتي الموجودين بالمكان..

ليش تتوقعين من الشباب يحترمونك او يعملولك حساب؟؟

والشيء الثاني اللي مستغربه منه..
شلون البنات يطلعون من بيوتهم بها الشكل..؟
الأهل وينهم؟؟مايشوفوا بناتهم؟مايشوفوا وش لابسين؟

اوكي خلي الاهل على صوب..

البنات شلون يرضون على انفسهم؟؟

نسووا العادات والتقاليد؟

نسوا انه عيب؟

وين الوازع الديني ؟
وين الخوف من الله؟


كل هالأشياء صارت عاديه بالنسبه لهم؟؟؟
ماراح اطول عليكم...
بس بغيت نتناقش في هالموضوع وأعرف رايكم فيه..


وياريت تجاوبوني على هالأسئله....وكله في النهايه لتعم الفائده على الجميع...

1-هل صادف وان شفت هالظاهره امامك؟وأين؟؟
2-شرايكم بها النوع من الفتيات؟
3-برأيكم شنو الهدف الذي يجعل الفتيات يطلعون بهذا الشكل؟

وأخيراً..هل في كلمه تحب توجهها لهالفتيات؟؟نصيحه او حتى نقد؟؟
 

غفران

شعــ V I P ــاع
إنضم
8 نوفمبر 2008
المشاركات
3,609
النقاط
0
رد: برمودا تحت العباءه ... والسيقان طالعه ..خوش والله

والله الي اشووفه الحين ان الامهاات هم الي يحرضووون بنااتهم على هالشيء يشجعووونهم دام يشوفون بنااتهم يطلعون قدامهم ووياهم بعد مايتحجون شبيقولون خليها تتدلع بعدها صغيره خليها شوي تكون منفتحه وربي سمعت هالحجي من وحده

1-هل صادف وان شفت هالظاهره امامك؟وأين؟؟

اكيييييييد شفت وبكل مكاااان بعد بعد مو بس جذي اشوف لابسين عبايه كتف وتحت ماكو ملابس يعني الي اشووفه شيء قليل بالنسبه لهموضوع



2-شرايكم بها النوع من الفتيات؟

عبالهم الدنيا بس كشخه ومتابعه موضه مايدرون ان في عليهم حساب وكتااب ربي يهدي جميع البناات



3-برأيكم شنو الهدف الذي يجعل الفتيات يطلعون بهذا الشكل؟

ماكو هدف البنات كل وحده تبي توري روحها للناس وبذات للجنس الأخر " تعالو شوفوني شنو لابسه " بس مجرد الفات نظر لا غير

وأخيراً..هل في كلمه تحب توجهها لهالفتيات؟؟نصيحه او حتى نقد؟؟

الله يهديهم انشالله وياليت تكون قدووتهم السيده زينب (ع) بحجابها وبعفتها

 

ام فاطمه

شعــ V I P ــاع
إنضم
17 أكتوبر 2008
المشاركات
4,805
النقاط
0
الإقامة
مابين القبور
رد: برمودا تحت العباءه ... والسيقان طالعه ..خوش والله


ويش اقول
آه اسفي على
الدنيا
ناس ضحوا بحياتهم
وبدمهم علشان الدين والاخلاق
(الحسين قتل لنحي وزينب
تسبى لتحفظ العفه والحشمة والطاهرة)
وناس وبكل بساطة ضحوا بالدين والاخلاق والعفه


أختي الجليلة
بالنسبة لأسئلتك
-هل صادف وان شفت هالظاهره امامك؟وأين؟؟
أنا ولله الحمد لم أرىْ ولا اريد أن أرىْ
2-شرايكم بها النوع من الفتيات؟
مع احترامي للتي ترتدي هالبس
ليست إلا عارضة ازياء رخيصة جدا
ما عندها ذرة حياء أو عفة وحده
جاهلة بمعنى الكلمة (متخلفه)
الناس يتقدمون وهي تتقهقر
والمسكينه تظن نفسها
مميزة وافضل
البشر والكل ينظر لها بإعجاب
ما تدري حتى الشباب الذين ينظرون
لها ويعاكسونها انهم يسخرون منها في
مجالسهم ويضحكون عليها
وسوف ياتيها زمن قريب او بعيد
تتمنى أنها لم تلبس او تفعل ما فعلت



3-برأيكم شنو الهدف الذي يجعل الفتيات يطلعون بهذا الشكل؟
ضعف الوازع الديني
التقليد الاعمى للغرب
غياب التربية وعدم الرقابه
خاصة مع سم الفضائيات
وما تبثه من فكر منحط
وافتاحية الاسرة بشكل عام
يعني عدهم كل شيْء free
يعني البنت والد سوي أي شيء
انت تبغاه بس لا تفعل (الفاحشة)
حتى لا تجيب العار
هذا اكبر سبب
هل في كلمه تحب توجهها لهالفتيات؟؟نصيحه او حتى نقد؟؟
اختي / إبنتي
أنت جوهرة جميله جذايه
خلقها الله في الحياة جعلك مكنونة
وسط صدفه محميه من الاوساخ والقذورات
وحتى من الترب فسعي ان تحافظي على جمالك
من كل ما يمكن ان يخفيه ويوسخه
ترى سر جمال المرة في دينها و حيائها
وعفتها وحسن خلقها
وتذكري انك تمثلي الجمال
الولائي الفاطمي الزينبي
الله يستر
علينا وعلى
المؤمنين والمؤمنات
من شيعة اهل البيت
عليهم السلام
اختك ام فاطمه
 

سكنة

شعاع جديد
إنضم
3 مارس 2009
المشاركات
192
النقاط
0
رد: برمودا تحت العباءه ... والسيقان طالعه ..خوش والله

يسلمو اختي أم البنات على طرح هذا الموضوع الهام

مشكلة السيقان اللي طالعة موشي تحت الي نشوفه من بلاوي لما نطلع برة البيت خصوصا في الأسواق بس احنا ويش نقدر انسوي يعني لو تروحي للبنت وتقولي لها ستري على روحش كلتش بقشورش كأنش انتي الغلطانه وهي ابد محشومة ماسوت شي غلط......


1-هل صادف وان شفت هالظاهره امامك؟وأين؟؟

أي شفتها بكثرة في الأسواق والحين اشوفها حتى في الحسينيات (يعني وحدة مكلفة على حالها ورايحة الحسينية تتسمع مصيبة الزهراء وأولادها وهي لابسة هالبس وأزيدش من الشعر بيت الكشة طالعة والشفايف حمرا)

2-شرايكم بها النوع من الفتيات؟

ويش بقول عنهم غير أنهم قليلين عقل ومحتاجين رقابة


3-برأيكم شنو الهدف الذي يجعل الفتيات يطلعون بهذا الشكل؟

قلة الثقافة الدينية... قلة الرقابة ..الفراغ..التقليد الأعمى ..وزيادة عليهم الغباء تحت مسمى التطور


وأخيراً..هل في كلمه تحب توجهها لهالفتيات؟؟نصيحه او حتى نقد؟؟

انتي موالية وتحبين الزهراء "ع" وتريدين من الزهراء"ع" ان تحبك ... فخذي من الزهراء "ع" ماينعفك في دينك ودنياك وآخرتك
 

ام البنات

شعــ V I P ــاع
إنضم
13 سبتمبر 2008
المشاركات
1,580
النقاط
0
رد: برمودا تحت العباءه ... والسيقان طالعه ..خوش والله

الله يستر عليكم عزيزاتي ويجعلكم من المقتدين بي السيدة الزهراء والسيدة زينب عليهما افضل التحيه والسلام
وشكر ا لمروكم .... انتظرباقي الاعضاء
 

ام البنات

شعــ V I P ــاع
إنضم
13 سبتمبر 2008
المشاركات
1,580
النقاط
0
رد: برمودا تحت العباءه ... والسيقان طالعه ..خوش والله

الله يستر عليكم ويجعلكم من المقتدين بسيدتي الزهراء والسيدة زينب عليهما افضل التحية والسلام
شكرا لمروركم ... وانتظر الباقي
 
عودة
أعلى أسفل