كثرة في الاونة ا لاخيرة مشاكل التفحيط وكثرت ا لحوادث الجسدية حتى وصلت بعضها الى الوفاة والاعاقة .. فا السؤال هنا من المسؤول ياترى عن مثل هذه المشاكل ومن يتحمل مثل هذه الحالات الشاذة في المجتمع .. هل فقط كبر ابني اعطيه سيارة او اعرف عنه لكن لا اكلمه عن هذه الحالة الشاذة في المجتمع وماهي الاسباب التي تمنعني كولي امر من اني اناصح ابني بالطرق السليمة للابتعاد عن مثل هذه الاماكن والابتعاد عن ما يسمى بالتفحيط وحتى وان لم يكن ابني من المفحطين ماذا يمنعني من مراقبة ابني او اخي ومنعه من التواجد بين هؤلاء ومنعه من مشاهدتهم وحتى منعه من التواجد في الاماكن التي تنتشر فيها هذه الحالات ....
اليس هناك طرق بديلة كي امنع ابني او اخي او حتى من اعرفه من التواجد بين المفحطين او مكان التفحيط او حتى على الاقل منعه او الاتفاف حوله في الاوقات ا لتي يكون بها التفحيط ..
يعتبر الكثير ا ن مسألة التفحيط مسألة مستحيلة الحل وهذا ما يجعل التسيب من الكثير من الاهالي والسكوت عن مثل هذه الحالات بالذات لدينا في القطيف فكل يقول نفسي نفسي .....
غريبة ان يعجز الانسان عن ايجاد حل ام هو يائس ام غير مبالي بما يحدث ام فقط اذا طاح الفاس في الراس وقتها يقوم هو ويحاول عمل المستحيل وياريت يقوم بالعمل بالطريقة ا لصحيحة بال با العكس يزيد الطين بلة وهذا ما نراه واهذا ما يحدث للاسف
لماذ هم في تزايد ؟
اليس بسبب كثرة الجماهير المشاهدة لهم لكن ماذا لو لم يجد المفحط اي من الجماهير هل سيستمر في في التفحيط ؟
الم يذهب الكثيرون ممن نحب ضحايا لهذه العاداة السيئة كم شخص فقد اخ او صديق او غير ذالك
هناك الكثير في جعبتي لكن اترك المجال لكم في النقاش
كلامك صحيح الله يهدي شبابنا بس لا والمشكله هلا سالفة التفحيط مش شباب بس حتى البنات قامو يفحطو يروحو البر ويفحطو هناك مابيفكرو شو ممكن يصير بعدين المهم اللحظه الي هم عايشينها اثناء التفحيط واستعراض قوتهم الي فاهمين معناها غلط والي يقهر وجود هالعاده السيئه في المناسبات الواحد بده ينبسط ويفرح وهم بيخربو فرحته بالازعاج والحركات تبعهم واذا حكيتهم قالو نعيش حياتنا مابيعرفو الحياه الي بيتمنو يعيشوها هيك ممكن تنتهي بلحظه سريعه ويخسرو كل شيوفعلا الي يشجعهم اكتر وجود المتفرجين عليهم
المشكلة مع شباب هذي الايام مايقدر الاب يسيطر عليهم
وياخذهم زي ماتقول الكورنيش
والا غيره هم يطلعوا حتى من دون علم الوالد والله هذا الموضوع ماثر كثير على المجتمع عندنا
ياما عوائل اتفرقت وضاعت والسبب موت شخص غالي من التفحيط
تسلم والله يهدي شبابنا
ويبعدهم عن كل شر
تشكرات لك ابو الميرزا
اللهم صل على محمد وعلى ال محمد وعجل فرج امام زماننا يالله
اهـ على التفحيط
ساعات اصير ولد واحط تفحيط من كثر مايفحطو جنب بيتنا <<<جد اتكلم صرت اعطي اخوي روابط تفحيط من كثر ما اسمع حكحكه الكفرات بالاسفلت وصرت هبله اشوي ههههههههههههه <<<ينقال عنها جامعيه
يعني اليوم بالذات مافي مناسبه ولا شي بس المناسبه الكبرى انهم مخلصين اختبارات
وفحطو عيديه لكل طالب تعب مخه الساعه تقريبا4 وبعدين وقفو للصلاه بعدين كملو الساعه 8 الى الساعه 10
وواهو احساس مخيف لما نسمع هالاشياء على الرغم ان اهني ناس تشتكي ماتسكت عنهم الا انهم يهربو ويرجعو يكملو
يعني اقرب شي لما نسمع هالشي تفحيط وصراخ الاولاد امي بعفويه تقول ياولدي ارجع لاتروح تعذبني عند التفحيط مع انها تمنعه بس ادمان مابتجي تضربه وهو مراهق ...
لماذا هم في تزايد
لان هم عندهم حاجه يفرغونها بالتفحيط والصراخ وينسو هالحاجه يمكن تكون هالحاجه
فقد عزيز .. يمكن تكون حاجه الى ام .. اب .. اخ .. اخت يفتح صدره لهم ويتكلم عن همومه .. يمكن تكون بحاجه الى ماده
او هروب من الواقع
ليش مانتعمق بهم ليش نحكم ع الظاهر بس هذولا شباب مراهقين يحتاجوا اشياء نجهلها
يعني هناك شباب كثيرين مع الاسف يحتاجو اشياء الام والاب يقفون ضدهم وهذا الحاصل بمجتمعنا مستحيل تشوف مجتمع يقول نعم للولد
الا نادر اذا كان وحيد عند امه وابوه بكل شي نعم بابا واذا كانو ست او سبع او اكثر شباب ولي بابا انقلع بابا وش نبي فيك بابا ...
كل هالاشياء تاثر عليهم
واهمال الوالدين اللي هم مثلا الام تجلس من الصبح وتطوش بهالوديان والعيال اللي خلفتيهم يامرا
يدبرو عمرهم
والابو بالشغل اذا جا نام يعني هذا دور الاب بالحياه شغل ونوم استغفر الله
هذا بعض الاباء كذا
وين بيصطلح مجتمعنا وهذه الاشياء فيه
لا لاتهرب بعيالك بعيد
افضل علاج لهالشي
دبرو شيء غير عن التفحيط وخلو الجمعيات الخيريه تقوم ببرامج يوميه ممتعه وبحدود وتحفظهم من الهلاك
يمكن بتقول لي تحلمي
لكن كوني تقريبا سنه كامله ادرس الاخلاق الاسلاميه عند احد شيوخنا
اقول لك تفيد هالاشياء مع الالحاح ومنع الجمعيه للتفحيط مابيلاقو شي غير برامج الجمعيه
بس بدون علم الاولاد ان هالجمعيه هي السبب يعني بمجرد يلمحون او يسمعون تفحيط يجيبو شرطه تراقب المكان
وخلاص تنحل بيملو
وبيلتحقو بالجمعيات
عن طريق الاسلام نقدر نربط عيالنا
يسلمو
سلامم
التفحيط بالنسبه لهم مثل العيد والفرحه الكبيره
وخصوصا تصير بمناسبات الافراح
واحسها اعظم شي اذا كان بزواجات
والله من اسمع التفحيط
قلبي يطيح من الخوف
فكيف هم لا يخافون على ارواحهم
فيارب يهديهم الى طريق الصواب
يسلمووو على الموضوع
مثلا ً ( فرح في زواج ، الانتهاء من الاختبارات ، فوز الفريق المعين في الكره ... إلخ ) ومايدرو او يتجاهلو ان كل هذا راح ينقلب عليهم في لحظه وحده من فرح إلى هم وحزن وفقد عزيز
<< هذاك اليوم من تفحيطهم السخيففين قطعو الكهربا علينا بسبب تفحيط سياره << قهروني وقتها بقوه
والمشكله يعتبرو التفحيط تعبير عن وناسه كبيره
والمشكله الاكبر ان اغلب الاباء يسمحون لأولادهم في سن الـ 12 إلى الـ 16 يسوقو سياره << وكل العذر عشان يتعلم قبل لا ياخذ الليسن يتعلم على ويش وهو بيقضي على روحه بهالحركات وبعضهم كل شخص فيهم يتحدى الثاني بحركه جديده او قويه بالسياره
والمشكله بعد ان هالتفحيط ماكان بس من السياره الحين حتى بالدبابات يويلو ويسوو حركات ** توفو اثنين من البلد ( الله يرحم الجميع ) بحادث بسبب الدبابات والحادث كان فجيع قلنا الجماعه بيعقلو وبيهونو مابيفحطو ولا بيسوو حركات بالدبابات ولا شي يعني بيتأدبو لكن هونو لفتره ورجعو مره ثانيه لحركاتهم ولا عمرهم بيتعضو بالعكس صارو كل واحد يفرجي مهاراته للثاني بالحركات التافهه
بس ويش نقدر نقول غير الله يهدي الجميع
تسلم خيو عالطرح الهادف يعطيك الف عافيه تحيااااااتي