رد: أسئله رمضانـــيــه
وعليكم السلام والرحمة والإكرام
كيفكوومـ / اخباركوومـ:mwalat39:
الحمد لله بخير نسال عنش
<< كـــــــــــــل عـــــااام وأنتـــــــــم بخيـــــــــــــــــ ــــــــر >>
وأنتي بخير وصحة وسلامة وينعاد عليج ويا أحبابش كل عام إن شاء الله
ورجعت الكم من جديد ومواضيع جديده :mwalat41:
من طول الغيبات جاب الغنمات
و بـ اتــــم الصحـــــــه والعـــــافيــــــــ ـــه
إن شاء الله دووووووووووووم
جايبه لكم اسئله وأتمنـــــى من كل التفااعل ولاسراع في لاجووبه
واثقة كعادتش
بس ما قلتي من أي أنواع التفاعل تبين <<<<<<< يا شين التميلح اللي موب محلة خخخ
راااح يسعــــــــــدني مروركم
يشرفنا التواجد
يللا نبدأ
بسم الله وتوكلناا على الله الكريم
على بركة الله
_اول مايجي طاري شي اسمه " رمضان " ... وش يجي على بالك وقتها ؟
السهر هههه
_كيف تقضي/ن وقت القيلولة في شهر رمضان ؟
إشاعة مغرضة
أصلا في رمضان ما أعرف النوم إلا قليل جدولي ملخبط
_النت في رمضان .. كم يأخذ من وقتك ؟
غير محدد إن قلتي 10 دقايق وإن قلتي نص اليوم
_فرد من أفراد عائلتك ما تحس لـ لمة الفطور معنى إلا بـ وجوده ؟
أمي الله يحفظها وولدي هالأيام
_ماذا تفضلي/ن ان يكون مشروبك بالفطور قهوه - فيمتو - عصير ( بـ انواااعه ) ؟
بالفطور ما أشرب شي بتاتا
بعد الفطور بنص ساعة لابد من الشاي ويا حلاته بالنعناع أوالحبك
_أكلة لو ماشفتها / شفتيها على الاكل .. احتمال تقلب البيت فوق حدر على اهلك ؟
مانا من النوع اللي يتحجج واجد على الأكل الجود من الموجود
وعادة إذا رغبت في شي أسويه إذا كنت متأكد ان ما أحد جاي له على بال
لكن أستنكر وأستهجن إذا ما شفت الشوربة
_متى بديت/ي تصومي/ن .. وهل كانت تجيك فترات تقعد تحت درج بيتكم وتفطر .. أعترف/ي ؟
بديت أصوم من يوم أنا في أول إبتدائي يعني عمري سبع سنين
كنت أصوم ليما يطلعونا على البيت وأرجع وأطير الأكو والماكو هههه<<<<<<خوش صيام مو
السنة اللي بعدها كنت أصوم حالي حال الأوادم بس إذا زاد العطش شربت ماي بالحمام <<<<<<< وش فيها أراعي شعور الصائمين
بعدين خلاص تعودت على الصيام لأن أمي وأبوي شجعوني على الصيام من أواخر شعبان
_موقف حصل لك بـ رمضان .. ومستحيل يتنسي ؟
حصلت لي ضربة عند العين تنفخ منها وجهي
صرت ما أحب أعتب حتى عند الباب
_شخصية تلفزيونيه .. تضيف لـ يومك راحة مو طبيعيه ؟
ما تفرق
مانا من النوع اللي يتابع البرامج الرمضانية فسيان عندي وجود التلفزيون من عدمه
_لو فجاءة صحيت من النوم ولقيت إن الساعة 7 الصباح لا لحقت لا على عشا ولا على
سحور ساعتها وش بتسوي/ن ؟
رغم أنها صعبة
لكن لاحول ولا قوة يعني وش بيتغير من الواقع
بصير معذور إذا فطرت يعني
كان العالم كلها نامت بدون سحور ههههه
_ تسمع الى من في شهر رمضان من روااديد ؟
الوحيد اللي أتعنى أسمع له دائما هو ملا باسم الله يحفظة
لكن ما أمانع إذا سمعت شي ثاني
_وفااة لاماام علي عليه السلام وين اتروح تسمع وتشااهد التلفاز ؟
وفاة الإمام علي تكون على قسمين
أتسمع في مسجد الشيخ علي بن يعقوب حسب الإستطاعة
القسم الأكبر أني أكون مشغول مع البقية بعمل المحموص
-ليلة القدر وين اتروح اتصلي ؟
بعض الاعمال في البيت وبعضها في مسجد الشيخ على بن يعقوب بباب الشمال
_وش الاشياء اللي ناوي/ه تسويها في شهر رمضان؟افكار.. برامج..
كنت ناوي أدخل برنامج رياضي مشان اللياقة والتخسيس
لكن نو وي للأسف الشديد
_شخص واحد .. تدعوه أنه يفطر معك .. الاختيار يكون من أعضااء المنتدى إذا تكرمت ؟
لو على كيفي كل الطاقم الإداري والمميزين في المنتدى
_ليلة العيد .. حالتك كيف بتكون في هاليوم خصوصا انه آخر ايام شهر رمضان؟
بين ثبت وما ثبت هذا بالدرجة الاولى
بعدين بتكون فيه بعض الإلتزامات
غير أن النوم بيكون شبه معدوم إذا مو معدوم تماما
وفي نفس الوقت اللي تكون فيه الفرحة
لكن بيكون فيه ضيقة لوداع شهر الله
_اهـــداء تخص فيه المنتدي ...!
بمناسبة هذا الشهر الفضيل
ولقربنا من ميلاد كريم أهل البيت عليهم السلام
نرفع أسمى أيات التهاني والتبريكات بالدرجة الأولى لمقام صاحب العصر والزمان
أرواحنا له الفداء
ولمقام المرجعيات الشيعية
ولا ننسى من ذلك كل الإخوة والأخوات في هذا المنتدى
ونسأل الله العلي القدير أن يوفقهم لكل ما يحبه ويرضاه ويتقبل منهم صيامهم وقيامهم
ويعودهم عليه بالخير والصحة والعافية
ويجعل حوائجهم للدنيا والآخرة مقضية
وذنوبهم مغفورة
بحق كريم أهل البيت سلام الله عليهم أجمعين
يله حبااايبي
بـ حفـــظ الرحمن
في أمان الله تعالى
ولا عدمنا جديدك أم فطوووم
والحين نستنى أم الحجايج السعقولة
خوووووب عارفينها :mwalat19:
حيووووووووووووووووووووو
