خاطرة معاق

[الملاك الحائر]

خاطرة تحمل الحزن بكل حرف , تصور العجز في تعابيرها
تسطر الوطنية في نهايتها .. أبدع في كلماتها
الشاعر الكبير , ( محمد عويضه) وللعلم .. فالشاعر ... مــعاق...

ّّ~~~~~~~~~~~~~~~~~~~~~~~~
الطفوله ..
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض خلف كوره ... لا لا أنا ماكنت معهم؟
وحدي بس بعيد عنهم ... كنت أضحك من ضحكهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... لا لا أنا ماكنت معهم !
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تـثــابق )؟
وراح عنــّــي ... !!

كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .

ّّ~~~~~~~~~~~~~~~~~~~~~~~~

مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل مامشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقه
ووحده في وسط الزحام ...
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت ...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
( يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّــــال يكسر ... خاطر انثى
كيف ينسى ؟؟؟
جاوبوني !

وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ...
ماهو رسمي !!!
صدقوني لو تدرّج ... وصار راتبه يتصاعد
وابتــدا وضعه يزين
ما أظنه بيتزوّج ... إلا من بعد التقاعد
من سنه الى سنتين !
وفي النهــايه ...
يابلــدنا... مهما كانت تسميتـنا
عاجزين ... معوّقين
لك عهدنا... وذا قسمنا:
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــــــــا.....

ّّ~~~~~~~~~~~~~~~~~~~~~~~~

 

[زهرة الأوركيد]

رد: خاطرة معاق

تسلمي ع الطرح عجبتني القصيده وااجد خصوصاً في البدايه
وكيف يوصف شعووره أصعب شيء على الأنسان
يشوف الناس تتقدم عنه وهو واقف مكانه موقادر يوصل ليهم

 

[نور الغربة]

رد: خاطرة معاق

الشاعر الكبير , ( محمد عويضه)
يسمح لي
لماذا الياس ياخذه الى االظلمة
لماذا لا ياخذ النور طريقا لامل
في حالات كثيرة من معاقين وصلوا الى تحقيق اهدافهم
كذا حالة شاهدتها في تلفاز
ان الاعاقة لا تعوق العلم و التعلم
حتى مرة عرضت ما ادري اي قناة حياة معاق ناجح في عمله
و يعتمد على نفسه حتى سيارته مجهزة لي قيادتها
مرفوض يشكر ربه على النعمة
و يقول الحمد الله
بفضل من رب العالمين
صرت شاعر مو كل واحد كتب شعر صار شاعر مشهور
اسلوب الشاعر هو اللي يميز شعره
اسمحي لي اختي على هذه الكلمات
شـكــ وبارك الله فيك ـــرا لك ... لك مني أجمل تحية .

 

[نور الغربة]

رد: خاطرة معاق

يابلــدنا... مهما كانت تسميتـنا
عاجزين ... معوّقين
لك عهدنا... وذا قسمنا:
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــــــــا.....

عجبني هذا المقطع

 

[الملاك الحائر]

رد: خاطرة معاق

يسلمووووووووو خواتي العزيزات على مروركم المتواصل ولانحرم منكم يارب

 

[ندى الهمــــــس]

رد: خاطرة معاق

:44 (7)::44 (7):
:44 (7)::44 (7)::44 (7): تسلمي ملاكـ عل كلام وألف شكر :44 (7)::44 (7)::44 (7):
:44 (7)::44 (7):

 

[ام غايب]

رد: خاطرة معاق

تسلمي ملاك على الطرح الجميل
شـكــ وبارك الله فيك ـــرا لك ... لك مني أجمل تحية .

 

[الملاك الحائر]

رد: خاطرة معاق

يسلمووووووووووووووووووووووو على مروركم احبتي وشكراً