برمودا تحت العباية والسيقان طالعة .........خوش والله

[خادم الزهراء (ع)]

بِسم اللّه الرَحمَنِ الرَحيِم

اللَهّمَ صَلِ عَلَى مُحَمَدٍ وَ آلِ مُحَمَد وَ عَجِل فَرَجَهُم وَ العَن أعدائَهُم إِلى قِيامِ يَومِ الدِين
برمودا تحت العباءه ... والسيقان طالعه ..خوش والله


في السابق كنا نشوف ظواهر تنتشر في المجتمع ونستنكرها وماتدخل العقل لتعارضها سواء للدين الاسلامي او العادات والتقاليد..


كانت البنت في السابق إلا تلبس العباة المطرزة والمزخرفة والملونة نقول عنها بنت (صايعة) آسف على هالكلمة بس هذا الواقع أو نقول عنها بنت مو مربيه او ما وراها أهل .. لأن المألوف كان اللون الأسود والساترللفتاة واللي أبعد مايكون للفتنة وجذب الإنتباه..



اليوم.. صار الشيء عادي..او نقدر نقول تعودنا نشوفه يمكن لإنتشاره بين أغلب الفتيات او يمكن لظهور ظواهر أخرى..مثل.. العبايه المخصره واللي من ظهورها وحتى الآن والحديث عنها لاينتهي...


عموماً .. انا ماودي أتطرق لأمور قديمة ياما تكلمنا عنها وناقشناها..


لكن الظاهرة اللي انتشرت في الفترة الأخيرة تتطلب منا مناقشتها والتحدث عنها ..

وهي ظاهرة البرمودا القصير تحت العباءة...زين وياريت تكون العباية مسكره.. إلا مفتوحه من تحت وتظهر السيقان فرجه للكل..

يعني ودي اعرف وش هدف الفتاة لما تلبس برمودا والسيقان طالعه وتتمشى في المجمع أو أي مكان بكل ثقه..؟؟

واللي يقهر اكثر لو طالعتها بنظرة استغراب قامت تطالعك بنظرة احتقار.. كأنك غلطت عليها بالنظره.. ونست انها هي صاحبة التصرف وهي اللي حطت روحها في هالموقف..

والمشكله بعد اذا تعرض لها احد الشباب قامت تسبه وتقول له انت قليل ادب ومو متربي ووووو .......الخ


طيب اذا هو قليل ادب انتي وش تطلعين؟؟انتي مااحترمتي نفسك ولا حشمتي الموجودين بالمكان..

ليش تتوقعين من الشباب يحترمونك او يعملولك حساب؟؟

والشيء الثاني اللي مستغرب منه..
شلون البنات يطلعون من بيوتهم بها الشكل..؟
الأهل وينهم؟؟مايشوفوا بناتهم؟مايشوفوا وش لابسين؟

اوكي خلي الاهل على صوب..

البنات شلون يرضون على انفسهم؟؟

نسووا العادات والتقاليد؟

نسوا انه عيب؟

وين الوازع الديني ؟
وين الخوف من الله؟
وين اتباع أهل البيت والإقتداء بسيدتي ومولاتي فاطمة الزهراء سلام الله عليها

كل هالأشياء صارت عاديه بالنسبه لهم؟؟؟
ماراح اطول عليكم...
بس بغيت نتناقش في هالموضوع وأعرف رايكم فيه..

وياريت تجاوبوني على هالأسئله....وكله في النهايه لتعم الفائده على الجميع...

1-هل صادف وان شفت هالظاهره امامك؟وأين؟؟
2-شرايكم بها النوع من الفتيات؟
3-برأيكم شنو الهدف الذي يجعل الفتيات يطلعون بهذا الشكل؟

وأخيراً..هل في كلمه تحب توجهها لهالفتيات؟؟نصيحه او حتى نقد؟؟




تحيـــــــــــ خادم الزهراء (ع) ـــــــــــاتي

نسألكم الدعاء​

 

[DARKMAN X]

رد: برمودا تحت العباية والسيقان طالعة .........خوش والله

مشكوور على الموضوع
ومنتدى شعاع القطيف ليس مسؤل عن الاثار النفسية خخ

1-هل صادف وان شفت هالظاهره امامك؟وأين؟؟

ايه كثير بس في مناطق معينة

2-شرايكم بها النوع من الفتيات؟

عني > ما اعطي للامر اهمية
اما غير فاكيد يعتبروها بنت لعابه

3-برأيكم شنو الهدف الذي يجعل الفتيات يطلعون بهذا الشكل؟

والله ما ادري بالضبط ولاكن التربية تلعب دور> واعتقد انها بدأت بمسئله الغرور في خارج منطقتنا
الى ان تتطورت واصبحت كشخة العصر عند البنات

وأخيراً..هل في كلمه تحب توجهها لهالفتيات؟؟نصيحه او حتى نقد؟؟

لا يوجد



ومشكوور على الموضوع

 

[خادم الزهراء (ع)]

رد: برمودا تحت العباية والسيقان طالعة .........خوش والله

مشكور اخوي على المرور نورت صفحتي بمرورك

لك مني اجمل تحيه

 

[ام حسن]

رد: برمودا تحت العباية والسيقان طالعة .........خوش والله

بسم الله الرحمن الرحيم

1-هل صادف وان شفت هالظاهره امامك؟وأين؟؟
ما صادفت لاني ما احب اطلع وكفاية الا اسمعه

2-شرايكم بها النوع من الفتيات؟
بنت لو تعرف دينها وقيمها كانت التزمت به
ولا اي شي تشوفه في الغرب نتقيد به دون التفكير في نتائجه
بس امضي وراء الموضه و الحرام وخلاص

3-برأيكم شنو الهدف الذي يجعل الفتيات يطلعون بهذا الشكل؟
قلة الوازع الديني ولفت انتباة الكل لها سواء من الشباب او البنات
والتربيه لها دور ايظا


وأخيراً..هل في كلمه تحب توجهها لهالفتيات؟؟نصيحه او حتى نقد؟؟
اقول احنا شيعه خل تكون قدوتنا سيدتي ومولاتي فاطمة الزهراء عليها السلام في كل شي

مشكور خادم الزهراء عالموضوع
تحيااتي لك

 

[ندى الهمــــــس]

رد: برمودا تحت العباية والسيقان طالعة .........خوش والله

 

[خادم الزهراء (ع)]

رد: برمودا تحت العباية والسيقان طالعة .........خوش والله

مشكورين على مروركم نورتوا صفحتي بمروركم

لكم مني اجمل تحيه

لكن اختي ندى الهمس ما جاوبتي على الأسئلة ؟؟؟؟؟

 

[زهرة الأوركيد]

رد: برمودا تحت العباية والسيقان طالعة .........خوش والله

1-هل صادف وان شفت هالظاهره امامك؟وأين؟؟أيوه في أماكن كثيره
2-شرايكم بها النوع من الفتيات؟بصراااحه أعتبرهم ناقصات عقل أو أسباب نفسيه
3-برأيكم شنو الهدف الذي يجعل الفتيات يطلعون بهذا الشكل؟البعض يقول موضه كل البنات تسوي يعني هبله تقلد بدون ماتفهم
والبعض لفت أنتباه وكل على حسب غايتها
الله يستر ع جميع المؤمنات الصالحات

وأخيراً..هل في كلمه تحب توجهها لهالفتيات؟؟نصيحه او حتى نقد؟؟
الله يهديهم لأن الكلام معاهم مافيه فايده أبداً
شكراً ع الطرح

 

[ندى الهمــــــس]

رد: برمودا تحت العباية والسيقان طالعة .........خوش والله

أخــووي "خادم الزهراء "

أشكــركـ عــلى طــرحكـ الرائــع ..


جبــتها فالصميمـ مــن جد ظــاهرهـ تدمــي القــلب كــيف تكــون بهالشكــل






1_ هل صادف وان شفت هالظاهره امامك ؟ و أين ؟؟

ماأظــن أن هالظــاهرهـ غريبــهـ لأنهــا بقــوهـ منتشرهـ وهــي كـذا الدنــيا يبدا الشــي غريـب ومن ثمـ نتعــود علــيهـ مثــل ماقلت اللهـ لايهينــكـ عن أن العــبايــات المخصـرهـ فالبــدايهـ كــانت شــي غريــب وألحيــن الغــريب عبــايات التقــيات والمحتشــمات ..



_ شرايكم بهالنوع من الفتيات ؟


أتــووقــع أنهم يعــانوون مــن نقــص أو عــدمـ ثقــهـ في ذاتــهم ويعووضــونهـ بهالــتصرف ..




3_ برأيكم شالهدف الذي يجعل الفتيات يطلعون بهالشكل ؟؟



ماأتــوقع فيـهـ هــدف لأنــها مافهمــت وش اللــي هي جنتهـ على نفسهــا سواء في دينهــا وأحكـامهـ أو عاداتـها وتقــاليدها ..




واخيرا .. هل في كلمه تحب توجها لهالفتيات ؟ نصيحه او حتى نقد ؟؟



ماراح ننتــقد أبـد لأن عنــدي ايمــان قووي أن خوواتــنا بنــات اسلامـ وديــن لكــن الغشــاوهـ تصيــب الكثيــر ..
والأكيــد اللــي متعــودين عليـهـ أن الأنســان مـب عيــب يغــلط العيــب يستمــر علـى هالغلــطـ ..


.....

أتمنــى ماأكوون أطلــت ولكــن المــووضووع علــى الووتــر

لاهــنت ننتظــر المزيــد ..


دمــت بــوود

 

[خادم الزهراء (ع)]

رد: برمودا تحت العباية والسيقان طالعة .........خوش والله

لك كل الشكر أختي ندى الهمس


لك مني أجمل تحية

 

[ملوكه]

رد: برمودا تحت العباية والسيقان طالعة .........خوش والله

مشكوور اخووي ع الطرح

1-هل صادف وان شفت هالظاهره امامك؟وأين؟؟
انا ماتذكر انا انا شفت بس اعتقد انا انا شفت بس ما اتذكر
وانا سمعت عن بنت كذا وهي انها كانت في مجمع ولابسه تنورة الى الفخذ وبلوزة صداري
وجا واحد وسحب العباااة وطلعت حالتهاا وجاا واحد خوش رجال حب يستر عليها ولفها بالغترة حقته
بس هي من غباءها رايحه مجمع بهالمنظر ..
2-شرايكم بها النوع من الفتيات؟
فتيات اغبياء ومايهتموا بالحفاظ على نفسهم وعلى سترهم
3-برأيكم شنو الهدف الذي يجعل الفتيات يطلعون بهذا الشكل؟
احس انهم يبغوا يستعرضوا بس والحمد لله علىنعمة العقل
وأخيراً..هل في كلمه تحب توجهها لهالفتيات؟؟نصيحه او حتى نقد؟؟
لا لا يوجد


تحيااااااااااااااتي